The Online Froissart

Facsimile mode Settings Browse | Collate

pb 56 r
se vous voléz, que nous ne corigons lez rebellez, car, avoecquez l’aide et le
poissanche que vous avéz et que nous avons et qui tous lez jours nous
puet venir d’Engletiere, nous sousmetterons si vos subgéz que il seront
tout aisse quant il poront venir a merchi." De telz parollez et de pluiseurs autres
parlementerent il longement ensamble, et puis se traïst cascuns a son hostel.
Meismement a l’endemain il chevauchierent tout doy ensamble, et vinrent
a la Massiere, et la disnerent tout doy ensamble

en grant joie, et par
lerent apriéz disner de leurs besongnez moult longement ensamble. Et fu
adonc ordonné que li consaulx dou conte s’en yroit a Rennez avoecquez le
duch, et la ordonneroient il et concluiroient finablement toutez leurs
besongnez. Si demora che soir ly dus de Bretaigne et ly consaulx dou
conte a le Massiere, et li contez retourna a ses gens a le Heidé, car il
estoient tout la logiet environ environ le Masiere, et l’endemain li dus de Bre
taigne s’en retourna a Rennez, le signeur Latinier, messires Robers Canollez,
messires Thumas de Persy, messires Thumas Trivet et le conseil dou conte en sa
compaignie. Si furent trois jours a Rennez, toudis consillans leurs
besongnez.
SHF 2-172 sync A che darrain conseil fu acordet, juret et fianciet sus saintez evangillez
dou duch de Bretaigne, que il venroit Nantez mettre le siege, en le
compaignie dou conte de

Bouquighem, XV jours apriéz che que ly Engléz
seroient la venu, et feroit ly dus de Bretaigne venir et amener par le ri
viere de Loire bargez et balengiers a plenté, pour mieulx constraindre
par la riviere ceulx de Nantez, et ne s’en partiroit, ilz ne sez gens, si seroit
Nantez prisse. Pour toutez ces cosez enteriner et affremer plus plaine
ment et que li contez de Bouquighem fust a cez obligations prendre
et faire, ses consaulx le renvoiia querre a le Heidé, ou il estoit logiéz
et toute ly hoos. Si se deslogierent et s’en vinrent logier ens es four
bours de Rennes, enssi que autre fois il avoient esté logiéz. Sy entre
rent ly contez et ly baron en Rennez, et la leur donna ly dus de
Bretaigne a disner moult grandement. La eut ly dus de Bretaigne en
convenant

et jura sus sa foy solempnellement et sus saintez evan
gillez que il venroit a tout son pooir devant Nantez. Et sur cel
estat il se parti et se retraïst vers Hainbon. Et li contez de Bouquighem
et li Engléz demorerent a Rennez et furent depuis bien XV jours
en ordenant leurs besongnez. De toutez cez cosez estoient bien en
fourmet et avisset chiaux de Nantez, que il devoient avoir le pb 56 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.