pb 75 r
plus chier a estre ocis que ars, et il fu l’un et l’autre. Car il sailli hors par lez fene
strez enmi eulx, et la fu requelliéz a glavez et a espees, et detrenchiéz, et
puis jettéz ou feu. Enssi Jehans de Launoit.
SHF 2-203 sync De bien siis mille hommez que Rassez de Herselle et Jehans de Launoit,
de la ville de Gaind ou de environ Gand, qui servoient lez Gantois
pour leur argent, avoient la amenet, il n’en escaperent point IIIC, que
tout ne fuissent mort sur lez camps ou en la ville, ou ars ou moustier,
ne onquez Pietrez dou Bos, qui avoit une grosse bataille sus les camps,
ne lez peut aidier. Car entre sa bataille et lez gens de Rasse, qui se comba
toient et qui mort estoient, avoit I grant plasquier tout plain d’aige
et grans marescagez, par quoi il ne pooient venir jusquez a eulx, si se
parti de sa place a toutez ses gens bien rengiet et bien ordonné en une
bataille, et dist: "Alons ent tout le pas nostre chemin vers Gand. Rasses
de Herselle et Jehans de Launoit et nos gens ont mal exploitié,
il sont desconfit. Je ne say que il nous avenra, se nous somme poursie
uwy ne asailly dez gens le conte. Si nous tenons tout ensamble et
nous vendons et combatons vaillanment, enssi que bonnez gens qui se
combatent sur leur droit." Il respondirent, cil qui l’oirent: "Nous le vo
lons." Lors se partirent il de la. Et se missent au chemin pour venir vers
Gaind en une belle bataille rengie et seree. Ly fuiant aucun, qui escappé
estoient de la bataille de Nieulle, se retournerent vers Gaind et ren
trerent tout effraé, enssi que gens desconfis, en la ville, et recorderent
ceste dure aventure, comment Rassez de Herselle et Jehans de Launoit
et leurs gens estoient desconfit et mort par bataille a Nieulle. Cil de
Gand pour cez nouvellez furent durement effraé et courouchié pour
la mort de Rasse. Car mout l’amoient et grant fiance en luy ent
avoient. Car il l’avoient trouvé bon cappitaine et loial, et, pour
ce que Rassez estoit gentilzhoms, filz de signeur et de dame,
et que ilz lez avoit servis pour leur argent, tant l’avoient il
plus amé et honnouré. Si demanderent as fuians qui retour
noient: "Ditez nous et ou estoit Pietrez dou Bos, entruéz que vous
vos combatiéz?" Cil, qui point ne l’avoient veut ne qui de luy
nullez nouvellez ne savoient, respondoient: "Nous n’en savons
riens, ne point veut ne l’avons." Lors commenchierent aucunez
gens en Gaind a murmurer sur Pietre dou Bos et a dire que pb 75 v