The Online Froissart

Facsimile mode Settings Browse | Collate

pb 73 v
trouverent cez deus hoos dou conte et dez Gantois sans ce que au matin il seuissent
riens l’un de l’autre. Quant Rassez de Hersellez et Jehans de Launoit veirent que com
batre lez convenoit, si ne s’effrerent point, mais se missent en bon convenant, et se
rengierent sus lez camps et se missent en trois bataillez, et en cascune bataille a
voit deus mille hommez, tous hardis et aventureux compaignons des plus ablez
et corrageus de la ville de Gaind, et otant en avoient Piettrez dou Bois et Ernoulx
Clers, qui estoient sus le païs, et riens ne savoient encorez de ceste

avenue que leurs
gens se deuissent combatre, et au departir de Gaind, il avoient pris ordenanche et
convenant ensamble que, se il trouveroient le conte et se poissance, ilz ne se comba
teroient point l’un sans l’autre, car, cascune

bataille a par ly, il n’estoient point fort
assés, et tout ensamble il estoient fort asséx pour combatre otant de gens trois
fois que il estoient. Et tout ce avoient il juret et fianchiet ensamble Pietrez dou
Bois et Rassez, et au voir dire, Rassez euist bien arresté a non combatre sitretos, se il
vosist. Car, se il se fust tenus en la ville en attendant Pietre dou Bois, ly contez ne
sez gens ne les euissent jamais la dedens requis, mais, sitretos que Rassez sceut
la venue dou conte, par orguel et par grandeur il se mist sus lez camps, et dist en soy meis
mez que il combateroit sez ennemis et en aroit l’onneur sans attendre Pietre dou
Bois ne lez autrez. Car il avoit si grant fiance en sez gens. Et si bonne esperance en
la fortune de ceulx de Gaind que vis ly estoit que il ne pooit miez perdre. Et bien
monstra che jour la grant volenté que il avoit de combatre, enssi comme je vous
recorderay presentement.
SHF 2-201 sync Moult fu li contez de Flandrez resjois, quant il vei que Rassez de Herselle estoit
issus de Nieule et trais sus lez camps pour combatre. Si fist ordonner ses gens
et mettre en bonne ordenance, et estoient environ XX M hommez, toutez gens de fait,
et y avoit environ XVC lancez, chevaliers et escuiers de Flandrez, de Haynnau, de Braibant
et d’Artois, la estoient de Haynnau, ly sirez d’Engien, mareschaulx de l’oost, de sa
route ly sirez de Montegni, messires Mikieulx de le Hamede, ly bas

tars d’Enghien, Gillez
dou Risson, Huistin dou Lay et moult d’autres. Et de Haynnau. Encorez, ly sirez de
Lens et messires Jehans de Barbammont. Et de Flandrez ly sirez de Gistellez, messires Guis
de Gistellez, ly sirez d’Escornay, ly sirez

de Hulut, ly sirez de Haluin et messires Daniiel
de Haluin, messires Thieris de Disquemue, messires d’Estainnebourc, ly sirez de Grutus,
messires Jehans Villains, messires Gerars de Marquilliez et pluiseurs autrez. Et la y ot fait
aucuns chevaliers nouviaulx, et estoit en devant ly jovenez senescaulx de Haynnau
mors sus son lit de la boce Obiez daléz Mortaigne. Car il y euist esté. Si fist ly
contez de Flandrez V bataillez, et en cascune mist IIII M hommez, la estoient
il en grant vollenté de courir sus lez ennemis. Et porta che jour ly sires de pb 74 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.