The Online Froissart

Facsimile mode Settings Browse | Collate

pb 71 v
il s’en retourna a Brugez a belle compaignie de gens d’armez, mais il prist le chemin
de Courtray. Et dist que il voloit ceulz de Courtray mettre en se obeissance.
SHF 2-197 sync Quant cil de Courtrai entendirent que ly contez leurs sirez venoit
efforciement sus eulx et que cil de Ippre s’estoient mis en se obeissance, il se doub
terent grandement. Car il ne veoient point de confort apparant en chiaulx

de Gaind,
si se avisserent

que il se renderoient legierement a leur signeur. Et trop mieulx leur
valloit a estre dalléz le conte, quant il li devoient foy et loiaulté, que dalléz lez Gantois.
Adont s’ordonnerent il CCC de la ville, tous des plus notablez, et se missent tout a
piet sus lez camps contre le venue dou conte, les cléz de la ville avoecquez eulx. Quant
ly contez deubt passer, il se jetterent tous en genous et ly prierent merchi. Ly contez
en ot pité. Si lez rechut a merchi, et entra en la ville moult joieusement, et tout et
toutez li fissent honneur et reverensse. Si prist des bourgois de Courtray environ
CC des plus notablez, et lez envoiia a Lille et a Douay en ostagerie, affin que cil de
Courtray ne se revellaissent plus. Quant il ot esté a Courtray VI jours, il s’en ala
a Donze et de la a Brugez. Et s’i rafresqui environ XV jours. Et adont fist il I grant
mandement partout pour venir assegier la ville de Gant, Car toute Flandrez pour
che tamps estoit apparillié a son commandement. Si se party li contez de Flandrez de
Brugez moult estoffeement, et s’en vint mettre le siege devant Gaind, et se loga en I
lieu que on dist a la Biete. La vint messires Robers de Namur servir le conte a une quantité
de gens d’armez, enssi que il estoit escrips et mandéz, mais messires Guillaumez de Namur
n’y estoit adont point, ains estoit en Franche deviers le roy et le duc de Bourgongne.
Che fu environ le Saint Jehan Decollase que li siegez fu mis a Gaind, et estoit marescaulx
de toute l’ost de Flandrez li sirez d’Enghien qui s’appelloit Gautiers, qui pour che tamps
estoit jonez, hardis

et entreprendans, et ne resongnoit ne painne peril qui lt peuist
avenir. Quoique ly contez de Flandrez fust logiéz devant Gaind a grant poissance,

se ne pooit il si constraindre ceulz de la ville que il n’euwissent III ou IIII portez
ouvertez, par quoy tous vivrez sans dangier leur venoient. Et ossi chil de Braibant,
et par especial cil de Broussellez, leur estoient moult favourable. Ossi estoient ly Liegois
et leur mandoient chil dou Liege pour eulx reconforter en leur oppinion: "Bonnez
gens de Gaind, nous savons bien que pour le present vous avéz moult a faire et estez
fort travilliet de vostre signeur le conte et des gentilzhommez et dou demorant
dou païs, dont nous sommez moult courouchié. Et sachiéz que, se nous estions a IIII
ou a VI lieuwez pres marchissans a vous, nous vous ferions tel confort que on
doit faire a sez bons frerez, amis et voisins, mais vous nous estez trop loing, et
sy est Braibans ly païs entre vous et nous, pourquoy il faut que nous nos soufpb 72 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.