pb 68 r
un petit. Et lors li priierent ly chevalier et li escuier qui la estoient, que il vosist rendre
painne a che que chils fais d’armez se fesist. Et ly connestablez, quant il les oÿ,
respondy: "Volentiers."
SHF 2-192 sync Quant che vint apriéz disner, li chevalier d’Engletiere qui la estoient et qui partir se
voloient, s’en vinrent ou castiel deviers le connestable, pour l’y veoir et parler
a luy, car il leur devoit baillier dou mains I chevalier qui lez devoit conduire et
mener tout leur chemin parmy Bretaigne et Normendie jusquez a Chierebourcq. Quant
il furent venu ou castiel, ly connestablez lez rechut moult doucement. Et puis leur
dist: "Je vous arreste tous, et vous deffens a non partir meshui. Demain au matin, a
priéz messe, nous verrons ce fait d’armez de vostre escuier et dou nostre. Et puis
vous voz disneréz avoecquez moy. Le disner fait, vous vos partiréz, et vous baille
ray bonnez gidez qui vous menront tant c’a Chierebourc." Il li accorderent et
burent de son vin, et puis s’en retournerent a leurs hostelz. Or s’avissent ly doy
escuier Jehans et Nicollas. Car il convient que au matin il facent fait d’armez, ja
méz n’en feront deporté. Quant che vint au matin, tout doy furent ensamble
a une messe et se confesserent et acumeniierent et puis monterent aus chevaulx ly
signeur de Franche de une part, et ly Engléz d’aultre. Et s’en vinrent tout ensamble
en une belle place et ounie au dehors dou Castiel Josselin. Et la s’arresterent. Jehans
Bourcinel avoit pourveu deus harnois d’armez bons et souffissans, enssi que ly
affairez demandoit et que promis a l’escuier engléz avoit. Si lez fist la tout
parellement estendre et mettre sus la terre. Et puis dist a Nicollas: "Prendéz
premiers." "Par foy," respondy ly Engléz, "non feray. Vous prenderés premiers." La
convint que Jehans presist premiers, et s’arma de toutez piecez parmy ce que on
ly aida. Enssi que uns homs d’armez se doit armer. Ossi fist Nicollas. Quant
il furent tout armé, il prissent lez lancez a bons fiers de Bourdiaux qui estoi
ent tout de une longueur. Et se mist cascuns ou il se devoit mettre pour
venir de coursez et faire fait d’armez. Et avoient avaléz et clos les carnes
de leurs bacinéz, et puis s’en vinrent pas pour pas l’un contre l’autre. Quant
il deurent aprochier, il abaissierent lez glavez et lez missent en point
pour adrechier l’un sus l’autre. Tout dou premier cop, Nicollas Cliffort con
sieuwi de son glave Jehan Boucinel en le poitrine d’achier amont, ly fiers
de glave coulla oultre a l’autre léz et ne se prist point a le plate d’achier,
mais escippa amont en coullant tout oultre le camail qui estoit de
bonnez maillez, et ly entra ou col et ly coppa la vainne orginal et ly
passa tout oultre a l’autre léz, et rompy ly hanste dalléz le fier et de
mora ly fiers et ly tronçons ens ou hateriel de l’escuier, qui estoit de pb 68 v