Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 132 v | Next
pb 132 v
y remediier et garder les passagez : "Si voel, Pietre dou Bos, que vous alléz au
pas a Comminez, vous garderéz la la riviere, et vous, Pietre le Mutre, vous yréz
au point a Warneston et la garderéz vous le passage, et faitez tous les pons
en dessus la riviere jusquez a la Gorge et a Estellez et a Menreville rompre, et
en desous jusquez a Courtray, par enssi ne poront li François passer, et je m’en
iray a Yppre parler a ceux de Yppre et eux en amour rafresquir et reconfor
ter, et remonstrer comment nous sommez conjoint ensamble par une unité, et que
nulz ne se fourvoie ne isse de ce que nous avons juret ensamble a tenir.
Il n’est miez en la poissance dou roy de France ne de ses François que il puisent
passer la riviere dou Lis ne entrer en Flandrez, puisque li pas seront gardé,
se il ne vont au lonc de la riviere querre passage vers Saint Omer et Ber
ghez, et, se il faissoient che chemin, il trouveroient tant d’empecemens, de
crolierez et de mauvais pas que il ne se poroient tenir ensamble, avoec
ce que il est yviers et que il fait fresc et mauvais chevauchier, que
il seroient tout perdu d’avantage." Che respondirent cil doy Pietre : "Phe
lippe, vous ditez voir, et nous ferons ce que vous ditez, et de nos gens
qui sont en Engletiere, avés vous oy nullez nouvellez ?" "Par ma foy !" respondy Phe
lippez, "nenil, dont je m’esmervelle, li parlement sont maintenant a
Londrez. Si en deverons temprement oir nouvellez, ly rois de France
ne se puet jamais tant haster que nous ne soions conforté des En
gléz, anchois que il nous porte point de contraire. Espoir, fait ly
rois d’Engletiere son mandement, et venront Englois a l’Escluse sus
une nuit, quant nous ne nos en donrons garde. Car il ont vent
pour yssir hors d’Engletiere a volenté." Ensi se devisoient chil troy com
paignon ensamble, auquez pour ce tamps toute Flandrez estoit en obei
ssance a eux, excepté Tenremonde et Audenarde.
SHF 2-311 sync Entruéz que ces ordonnancez se faissoient, et que li rois de France
sejournoit en Arras, et que gens d’armez s’amassoient en Artois, en
Tournesis et en le castelerie de Lille, se avisserent aucun chevalier et escuier
qui sejournoient a Lille et la environ, par l’emprise et ennort dou Halze
de Flandrez, que il feroient aucun exploit d’armez, par quoy il seroient
renommé, si se quellierent I jour environ VIXX hommez d’armez, chevaliers
et escuiers, et vinrent passer la riviere dou Lis au pont a Menin, a
deux lieuez de Lille, ly quelz pons n’estoit point encorez deffais,
et chevauchierent en la ville et l’estourmirent moult grandement. pb 133 r