pb 126 r
en ceste matere je suy, que il avint de messire Perducas de Labreth, quant il fu venus
en Gascongne et il eut pris la posession de la terre, et que messires Jehans de Noef
ville, senescaulx de Bourdiaulx et de Bourdelois pour le tamps, l’en ot mis en posession
par la vertu des lettres dou roy d’Engletiere que il monstra, ly sirez de Labreth en ot
grant joie. Car bien savoit que sez cousins ne li feroit point de guerre. Et demo
rerent ces terrez de Labreth et de Caumont toutez en paix, et tenoit a amour
ly sirez de Labret grandement son cousin. Car il contendoit a ce que aprés son
dechiéz il le vosist mettre en posession des castiaulx qui sont en la baronniie
de Chaumont, mais Perducas n’en avoit nulle volenté, et avint que il s’a
coucha maladez au lit de le mort. Quant il vei que morir le convenoit, il
appella tous lez hommez de la terre et fist devant luy venir un sien cousin, un jone
escuier et bon homme d’armez, qui s’appelloit Berduch. Et li dist : "Berducet, je te ra
porte, en la presence de mes hommez, toute la terre de Chaumont. Sy soiez bons
Engléz et loyaux envers le roy d’Engletiere, dont li dons m’en vient, mais je
voel que a l’ostel de Labreth, dont nous yssons, tu ne facez point de guerre, se
il ne te sourquierent ou efforcent." Li escuiers respondy liement, qui tint a grant
che don : "Sire, volentiers." Enssi fu Berduchéz de Labreth sirez de Chaumont
en Gascongne, et morut messires Perducas, qui en son tamps avoit esté uns
grans capitains de gens d’armez et de routez, de ly ne say je plus avant.
SHF 2-297 sync Quant cil Gantois furent venu a Londrez, leur venue fu tantos segnefie au
roy et a son conseil, on envoia devers eux pour savoir quel cose il voloient
dire. Il vinrent tout en une compaignie au palais a Wesmoustier. Et la trouverent
premierement le duc de Lancastre, le conte de Bouquighen, le conte de Saleberi, le
conte de Kemt, messire Jehan de Montagut, maistre d’ostel dou roy, messire Simon
Burlé, messire Guillaume de Windesore et la grignour partie dou conseil dou roy,
et n’estoit miez ly rois presens a celle premiere venue. Cez gens de Gand et de
Flandrez enclinerent ces signeurs d’Engletiere. Et puis commencha ly clers esleux
de Gand a parler pour tous, et dist enssi : "My signeur, nous sommez chi venu, et
envoiiet depar le bonne ville de Gand et tout le païs de Flandrez, pour avoir
conseil, confort et aide dou roy d’Engletiere sus certains articlez et bonnez
raisons que il y a de aliancez anchiennez entre Engletiere et Flandrez. Si le
volons renouveller. Car il besongne au païx de Flandrez a present. Car il est
sans signeur et n’ont lez bonnez villez et ly païx que un regard, c’est
uns homs qui s’appelle Phelippez d’Artevelle, ly quelz princhipaument se re
commende au roy et a vous tous qui estez de son conseil, et vous prie que
vous requelliéz ce don en bien. Car, ou ly rois d’Engletiere volra ariver pb 126 v