pb 119 v
Car ly orgoes de ceux de Brugez, qui nous het, est avoec luy. Et cil qui nuit et
jour l’enfourment sur nous ly consilleront de nous combatre, se Dieux ordonne
par sa grace que la place nous demeure et que nous desconfissons nos ennemis, nous
serons recouvré a tousjours mais et lez plus honnereez gens dou monde, et,
se nous sommez desconfy, nous morons honnerablement. Et ara Dieux pité de nous.
Et parmy tant li demorans de Gand se passera, et en ara merchi li contez nos sirez."
A ces parollez respondirent il tout de une vois : "Et nous le volons, ne autrement
nous ne finerons." Lors respondy Phelippez : "Or, signeur, puisque vous estez en celle
volenté, or retournéz en vos maissons, et apparilliéz vos armeurez, car de
main dou jour je voel que nous partons de Gand et en alons vers Brugez. Car
ly sejourners ychy ne nous est point pourfitablez, dedens V jours, nous sarons
se nous viverons a honneur ou nous morons a dangier. Et je envoiieray les con
nestablez des parosces de maison en maison pour prendre et eslire a cuez les plus ay
dablez et les mieux arméz."
SHF 2-271 sync Sus cel estat se departirent en la ville de Gand toutez gens qui a ce parlement
avoient estet dou Marchiet des Devenrez, et retournerent en leurs maisons.
Et se apparillierent, cascuns endroit de ly, de ce que a luy appertenoit, et tinrent che
merquedy leur ville si close que onquez homs ne femme n’y entra ne n’en issy jusques
au joedy a heure de relevee, que cil furent tout prest qui partir devoient, et furent
environ V mil hommez et non plus, et cargierent environ IIC
chars de canons et d’artellerie, et VII chars seullement de pourveances,
V chars chergiéz de pain quit et II chars de vins, et tout partout n’en y avoit
que II tonniaulx, ne riens n’en demoroit en la ville. Or regardéz comment il
estoient astraint et menet. Au departement et au prendre congiet, che estoit une
pitéz de veoir ceulx qui demoroient et ceulz qui s’en aloient. Et dissoient ly
demorant : "Bonnez gens, vous veés bien a vostre departement que vous laissiéz der
riere, n’aiiéz nulle esperance de retourner, se ce n’est a vostre honneur. Car vous
ne trouveriéz riens. Et, sitos que nous orons nouvellez se vous estez mort et
desconfy, nous bouterons le feu en la ville, et nous destruirons nous meismez, ensi
que gens desesperéz." Chil qui s’en aloient, dissoient en yaulx reconfortant :
"De tout che que vous ditez, vous parléz bien. Priiéz pour nous a Dieu, nous avons
espoir que il nous aidera et vous ossi avant nostre retour." Enssi se departirent
cil V mille hommez de Gand et leurs petitez pourveancez et s’en vinrent ce
joedy logier et jesir a une lieue et demie de Gand. Et n’amenrirent de riens
leurs pourveancez, mais se passerent de ce que il trouverent sus le païs. Le
venredy tout le jour il chminerent, et encorez n’atouchierent il de riens a pb 120 r