The Online Froissart

Facsimile mode Settings Browse | Collate

pb 118 r
avoecquez luy et ly demanda des nouvellez et comment il avoit exploitié. Phelippez
ly dist, qui riens ne li volt celler : "Par ma foy, Pietrez, a ce que messires de Flandrez a respondu
par

ceulx de son conseil que il a envoiiet a Tournay, il ne prendera en la ville de Gand
nulluy a merchi, non plus l’un que l’autre." "Par ma foy !" dist Pietrez dou Bos, "il a droit
et est bien consilliéz de tenir ce pourpos et de enssi respondre. Car tout y sont
participant otant bien ly un que ly autre. Or suy je venus a me entente et a
l’entente de mon bon maistre Jehan Lion qui fu. Car la ville est si entoueillie
que on ne le scet par coron destouellier. Or nous faut prendre le frain as dens,
or vera on lez sagez et les hardis, en dedens briefs jours, la ville de Gand sera

la plus honnouree ville des crestiiens ou li plus abatue, a tout le mains, se nous
morons en ceste querelle, ne morons nous pas seulx. Or pensséz anuit, Phelippe,
comment vous leur puissiéz demain faire relation de che parlement qui a esté a
Tournay, par telle maniere que toutez gens se contentent de vous. Car vous estez
grandement en la grace de tout le peuple par deus voiez, ly une si est pour la
cause dou non que vous portéz. Car moult amerent jadis en ceste ville Jaquemart
d’Artevelle, vostre pere. Et li autre est que vous les aparléz doucement et
sagement, si com il le dient communalment parmy la ville, pourquoy il vous
creront, pour vivre et pour mourir, de tout che que vous leur remonsteréz et
que en fin de conseil vous leur diréz : "Pour le milleur, je feroie enssi." Pour
tant vous faut il que vous aiiéz bon avis et seur de remonstrer parolle ou
vous aiiéz honneur au tenir." "Pietrez," dist Phelippez, "vous ditez verité, et je
pensse tellement a parler et a remonstrer lez besongnez de Gand que entre
nous,

qui en sommez gouvreneur a present et cappitainnez, y morons ou viverons
a honneur." Il n’y eut pour celle nuit plus dit ne fait, mais prissent congiet
l’un a l’autre. Pietres dou Bos retourna a son hostel. Et Phelippez d’Artevelle
demora ou sien.

SHF 2-270 sync Vous devéz savoir et croire veritablement que, quant chilz jours de
sirés fu venus que Phelippez d’Artevelle deut generallement recorder
lez nouvellez tellez que raporteez avoit dou parlement de Tournay, toutez
gens de la ville de Gaind se traissent ou Marchiet des Devenrez, et fu par
un merquedy au

matin. Dou peuple qui la estoit asambléz, fu ly marchiéz
tous plains. Droit a IX heurez, Phelippez d’Artevelle, Pietrez dou Bos, Pietrez
le Vintre, François Acreman et les cappitainez vinrent. Sy entrerent en la
halle et monterent amont. Adont se amonstra Phelippez as phenestrez,
qui commencha a parler et dist : "Bonne gent de Gant, il est bien voirs que,
a la priiere et traitié de tres honnouree, haute et noble dame madame de pb 118 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.