pb 59 v
ou faissoient dire par leurs messagez, que bien s’avisast, car il avoit esté simplement
consilliéz d’avoir mandé lez Engléz et de avoir mis ou païs pour guerriier et
destruire sa terre, et que nul confort il n’aroit d’eulz. Mais, se il aloit devant
Nantez a siege, enssi que on avoit entendu que il le devoit faire, il li destruiroient
sa terre a tous léz, et li donroient tant d’empechement que il ne saroit au quel
léz entendre. Mais se vosist recongnoistre et remettre en l’obbeissance dou roy
de Franche, enssi que faire le devoit et que tenus y estoit, et il se faissoient fort,
et porteroient oultre, que il li feroient sa pais envers le jone roy de Franche.
Et li remonstroient encorez tels parollez, en dissant enssi que tels avoit en contre
corage le roy Charle mort, qui venroit et demorroit grandement en l’amour
dou jone roy son fil. De toutez tels cosez des plus haus barons de Bretaigne estoit ly
dus servis, si ne savoit au voir dire auquel pour le mieulx entendre, car il ne
trouvoit nul segur estat en sez gens, se le convenoit disimuller, vosist ou non.
Et toudis se tenoit li siegez devant Nantez.
SHF 2-178 sync Le jour Nostre Dame des Avens au soir, eurent conseil ly François, qui en Nan
tez se tenoient, que il venroient resvillier l’oost, car trop avoient reposé.
Si issirent environ CC hommez d’armez, des quelz messires Amauris de Cliçon, cousins
germains au signeur de Cliçon, et li sirez d’Amboise estoient meneur et gouvreneur,
et s’en vinrent ferir sus lez logeis messire Guillaume Windesore, et issirent par le post
erne de Ricebourc sus la riviere et faissoient le gait che soir les gens messire
Hue de Cavrelee. A ceste heure la fu fais chevaliers li sirez d’Amboisse, et le fist chevalier
messires Amauris de Cliçon. Ces gens d’armez bretons et françois se bouterent de
grant vollenté ou gait, et gaaignierent de venuez la bare dou gait et le chevalier
dou gait, qui s’appelloit messire Guillaume de Quisenton. La eut forte escarmuce et
dure, et maint homme reversé. Messires Guillaumez de Widesore et messires Huez de Cav
relee, qui estoient en leur retrait, entendirent le hustin, si saillirent tantost
sus, si s’armerent et apparillierent, et vinrent celle part ou ly plus fors hustins
estoit. La eut trait, ferut et lanciet et escarmuciet, et si porterent toutez
lez partiez vaillanment, et rentrerent tout en combatant et escarmuchant ly
François et li Breton en le posterne de Richebourc, par laquelle il estoient issut,
et sans damage, car il eurent I chevalier prisonnier et siis hommez d’armez,
et il en y ot pris des leurs trois. Enssi se porta ceste nuittie.
SHF 2-179 sync Le joedy devant la vegille dou Noel, issirent de Nantez sus le soir par la
Porte de Sauvetout messires li Barois dez Barez et li sirez de Celer a VIXX
hommez d’armez, et s’en vinrent ferir ou logeis dou conte de Bouquighem,
et faissoit le gait che soir li contez de Douvesiere. La ot grant escarmuce et pb 60 r