pb 107 r
"Je m’en consilleray." A ces parollez n’estoit point li contez de Savoie, mais
il vint assés tost.
SHF 2-248 sync Quant li contez de Savoie fu venus en la tente dou duc d’Ango, ly mais
tres encanterez estoit partis. Adont li recorda li dus la parolle dou mais
tre et quel cose il li offroit. Li contez de Savoie penssa un petit, et puis
dist : "Envoiéz le moy en mon logis, et je le examineray, c’est li maistres
encanterez par le quel la roine de Napplez et messires Ostez de Bresvich, ses maris,
furent jadis pris ens ou castiel de l’Uef. Car il fist la mer si haute que
il sambloit que elle montast desus le castiel, s’en furent si eshidé cil
qui ou castel estoient, que il leur sambloit que il deuissent estre tout
noiiet. On ne doit point avoir fiance trop grande en tels gens. Or
regardéz de la nature des malandrins de ce païs, pour seullement
complaire a vous et avoir vostre bienfait, il voelt trahir ceulx a qui
il livra une fois la roine de Napplez et son mari a Charle de la Pais." Dist
ly dus d’Ango apriés : "Je le vous envoieray." Adont entrerent ly signeur
entre autrez parollez, et consillierent I tamps de leurs besongnez ly dus
et li contez de Savoie, et puis retourna li contez a son logeis. Quant ce
vint le jour, apriéz que li signeur furent levet, li maistrez encanteres
vint devers le duc et l’enclina, sitos que ly dus le vey, il dist a un sien
varllet : "Va, se le mainne au conte de Savoie." Li varléz le prist par le main.
Et ly dist : "Maistrez, monsigneur voelt que vous venéz parler au conte de Savoie."
Il respondy : "Dieux y ait part !" Adont s’en vint il en la tente dou conte,
ly varlés ly dist : "Monsigneur, vechi le maistre que messires vous envoie." Quant
ly contez le vey, sy en ot grant joie. Et li demanda : "Maistrez, ditez
vous pour certain que vous nous ferés avoir le castiel de l’Uef a sy bon
marchié ?" "Par ma foy, monsigneur," respondy li encanterez, "oil. Car par oevre pareille,
je le fis jadis avoir a celluy qui est dedens, messire Charlle de la Pais,
et la roine de Naplez, et sa fille et son marit, messire Robert d’Artois, et
messire Ostez de Bresvich. Et je suy l’omme ou monde maintenant que messires
Charlez resongne le plus." "Par ma foy," dist li contez de Savoie, "vous ditez
bien. Et je voel que Charle de la Pais sache que il a grant tort se
il vous crient. Car je l’en aseuray, ne jamais vous ne feréz encante
ment pour decepvoir luy ny autruy, ne je ne voel pas que il nous
soit reprochié, ou tamps a venir, que en si haut fait d’armez que
nous sommez et tant de vaillans hommez, chevaliers et escuiers, asamblés, pb 107 v