pb 106 v
et que pour le grant plenté de biens qui habondent ou païs, les gens y sont
tout wisseux et n’y font point de labeur. Quant ces gens d’armez se trouverent
en che bon païs et cras et raempli de tous biens, se tinrent tout aisse. A
dont s’en vinrent li dus d’Ango et li contez de Savoie, ly contez de Vendome,
li contez de Geneve et la grant chevalerie de France, de Bretaigne et de Savoie,
et passerent oultre et vinrent en la marce de Napplez. Onquez cil de Naplez
pour la doutance de ces gens d’armez ne daignierent clore porte de leur
ville, mais lez tenoient toutez ouvertez, bien penssoient que ly dus d’Ango
ne se bouteroit jamais dedens hors de leur plaissance. Car qui seroit de
dens enclos, quelz peuplez que che fust, il seroit perdus, ne les maisons ne
sont pas a prendre. Car il y a plancez que on hoste, quant on voelt, et la
desoulz c’est la mer ou nulz ne s’oseroit embatre. Avint que uns encante
res, maistrez de nigremance, qui estoit en la marce de Napplez et avoit con
versé un lonc tamps, vint au duc d’Ango, et se li dist : "Monsigneur, se vous voléz,
je vous renderay le castiel de l’Uef, et ceulz qui sont dedens, a vostre volenté."
"Et comment", dist li dus, "poroit che estre ?" "Monsigneur, je le vous diray," dist li en
canterez, "je feray par encantement l’air si espés, que dessus la mer il samb
lera a ceulx de dedens que il y ait I grant pont pour aler dix hommes
de front. Et quant cil qui sont ou castiel verront che pont, il seront
si esbahi que il se venront rendre a vostre volenté. Car il doubteront
que, se on les assaut, que il ne soient pris de force ." Ly dus ot de ceste parolle
grant mervelle, et appella de ses chevaliers le conte de Vendome, le conte de
Geneve, messire Jehan et messire Piere de Buel, mesire Meurisse Mauvinet et
lez autrez, et recorda che que cils maistrez encanterez dissoit, li quel
de ceste parolle estoient tout esmervilliet et s’asentoient asséz a ce que
on le cruist. Adont demanda li dus d’Ango a celly et ly dist : "Biaux mai
strez, et sus ce pont que vous ditez que vous feréz, se poront nos
gens asseurer de aler sus jusquez au castiel pour asaillir ?" "Monsigneur,"
respondy li encanterez, "tout ce ne vous oseroie je pas asseurer. Car, se
il y avoit nulz de ceulx qui sus le pont passeroient, qui fesist le
signe de le crois, tout yroit a noient. Et cil qui seroient sus, trebuce
roient en la mer." Adont commencha li dus a rire, et lors respondi
rent aucun jone chevalier et escuier qui la estoient, et dissent : "Ha ! monsigneur,
pour Dieu laissiéz le faire. Nous ne ferons pas le signe de le crois, et
plus legierement ne poons nous avoir vos ennemis." Dist li dus d’Ango : pb 107 r