pb 101 r
pooit. Car bien savoit que dedens Paris a grant misse d’argent, et tant fist qu’il en ot sans
nombre et envoia devers le conte de Savoie, ou quel il avoit tres grant fiance,
que a ce besoing il ne le vosist pas fallir, et, li venut en Savoie, il ly feroit mettre
en paiement aparilliet le somme de florins pour pour mille lancez ou plus, pour
un an tout entier. Li contez de Savoie de cez nouvellez eut grant joie. Car mout
amoit lez armez et l’avancement de ly et de ses gens, sy respondy as mesagez que
volentiers il serviroit monsigneur d’Ango parmy le moiien que il mettoit, de che
fu ly dus d’Ango tous resjois. Car il amoit mout la compaignie dou conte de
Savoie, derechief ly dus d’Ango retint tout partout gens d’armez. Et tant que
il en trouva bien IX mille hommez d’armez tout en se obeissance, voire lez
deniers paians, si fist pour son corps et pour sez gens faire et ordonner
et aparillier a Paris le plus grant et le plus bel apareil, que on avoit on
quez veü faire faire signeur, de tentez, de trefs, de pavillons, de cambrez
et de toutez ordonnancez qu’a I roy appartient, qui voelt aler en un lon
tain voiage. Nous cesserons un petit a parler de luy et retourons au conte
de Cambruge et a ses gens qui pour che temps estoient en Portingal
dalléz le roy.
SHF 2-238 sync Li contez de Cambruge et ses gens se rafresquirent un grant temps
a Lusebonne dalléz le roy de Portingal, et avissoient ly Englois et
ly Gascon le païs, pour tant que il n’y avoient onquez estet. En che se
jour il me samble que uns mariagez fu fais et acordéz de la fille dou
roy de Portingal, qui estoit adont el eage de dix ans et dou fil dou
conte de Cambruge, qui pooit estre de cel eage. Bel enffant estoit et
a a nom Jehan, et la dame fille dou roy Betris. A cez nocez de ces deus
enffans ot grans festez et grans esbatemens, et y furent ly prelat
et ly baron dou païs, et furent couchiet, comme jone qu’il fuissent, tout
nu en un lit ensamble. Cez nocez faitez et les festes passeez, qui durerent
bien VIII jours, ly consaulx dou roy de Portingal ordonna que ces gens
d’armez, qui se tenoient en Lusebonne et la environ, se departiroient
et yroient d’autre part tenir leur frontiere. Sy fu ly contez de Camb
ruge et ses hostels ordonnéz et assignéz de aler en une belle ville en
Portingal que on dist Estremouse, et ly Englescq et li Gascon tout en
samble en une autre ville que on appelle ou paÿs Ville Vesiouse. Et
Jehans de Cambruge demora dalléz le roy et sa femme. Quant ly Ca
nonnez de Roberssart et ly autre chevalier engléz et gascons se departirent
dou roy et prissent congiet pour aler a leur garnisson, ly rois leur pb 101 v