Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 96 r | Next
pb 96 r
Lusebonne. A celle propre heure et che propre jour, leur faissoit on en l’eglise de Sainte Katherine
en Lusebonne leur obseque. Et estoient li baron et li chevalier vesty de noir, et lez tenoient
pour mors. Sy devéz savoir que la joie y fu tres grans, quant il seurent que il estoient,
com durement que che fust, arivet et venut a port de salut. Si se conjoirent et festiierent
moult grandement ensamble. Et eurent chil chevalier gascons tantos oubliéz lez painez de
la mer. Nous nos soufferons a parler I petit dez besongnez de Portingal pour la cause
de che que sy trestos il n’y ot nul fait d’armez. Et parlerons des besongnez de Flandrez
et de ce que il y avint en celle meismez saison.
SHF 2-228 sync En ces ordonnancez et en ce tamps que cez avenue, si com chi dessus est dit et
recordé, estoient avenuez en Engletiere, ne sejournoient miez les guerrez de Flandres,
li contez contre les Gantois et cil de Gaind contre le conte. Vous savéz comment
Phelippez d’Artevelle fu eslevéz a Gaind et souverains cappitainne par le promocion
premiers de Pietre dou Bos qui le consilla, a l’entrer en l’office, qu’il fust crueulx et mau
vais, afin que il se fesist cremir. Phelippez retint bien de son escolle et de sa dotrine.
Car il n’eut miez esté longhement en l’office de gouvrener Gaind, quant il en fist tuer
et decoller devant luy XII. Et dient ly aucun que cil avoient esté principaulment
a le mort de son pere, si en prist la vengance. Phelippez commencha a resgner en grant
poissance et a luy faire cremir et ossi a amer de moult de gens et par especial des
compaignons qui sieuoient lez routez et lez armeez. A ceulz la, pour eulx faire leur
main et estre en leur grace, n’y avoit riens refusé ne repris, tout estoit abandoné.
Or me poeut on demander comment chil de Gaind faissoient leur guerre, et je
en responderay volentiers, selonc che que je leur ay depuis oy parler. Il estoient
si bien d’acord que tout mettoient main a bourse, quant il besongnoit, et se taillo
ient ly rice selonc leur quantité, et deportoient lez povrez. Et, enssi par celle unité
qu’il eurent, durerent il en leur poissance, et s’est Gaind, a tout considerer, une des
plus fortez villez dou monde, puis que Braibans, Haynnau, Hollandez ne Zellandez
ne lez voelt point guerroiier, mais, ou cas que cil IIII paÿs ly seroient contraire
avoec Flandrez, il seroient enclos et perdu et affamé. Or ne leur furent onques
cil païs parfaitement contraire ne ennemy, de quoy leur guerre en estoit plus
belle, et en durerent plus longhement. En che tamps et en la nouvelleté de Pheli
ppe d’Artevelle fu ly doiens des tisserans acuséz de trahison, si fu pris et mis
en prisson, et pour trouver en voir che dont il estoit amis et acusész on alla en
se maisson. Si trouva on le pourre de salpetre toute moullie, ne on ne s’en estoit peut
aidier en toute l’anee a siege que il eust fait. Si fu chils doiens decolléz et trainéz
aval la ville par lez espaullez comme traitrez, pour donner example as autrez. Or s’a
vissa li contez de Flandrez que il venroit mettre le siege devant Gaind, sy fist pb 96 v