The Online Froissart

Facsimile mode Settings Browse | Collate

pb 57 v
party ceste noble et haute feste de la consacration dou jone roy Charlle de
Franche, et s’en vint ly rois a Paris, ou il fu des Parisiiens derechief, a son re
tour et a l’entrer en Paris, tres grandement festiiéz. Apriéz toutez ces festez,
ces solempnitéz et ces honneurs, il eut grans consaulx en Franche sus l’estat et
gouvernement dou roiaulme, et fu ordonné que ly dus de Berri
aroit en gouvernement toute le Langhedock, ly dus de Bourgongne toute
Picardie et Normendie, et ly dus d’Ango demoroit dalléz le roy son nepveut,
et aroit principaument et roiaulment l’aministracion et gouvernement dou
roiaulme. Adonc fu li contez de Saint Pol rappelléz, qui en devant avoit esté
eslongiéz de la grace dou roy Charle mort, et ly fist a Rains ly dus de Brai
bant sa besongne et ly dus d’Ango, en la quelle grace et amour ly contez de
Saint Pol estoit grandement. Si se departi de Han sus Heure seant en l’evesquiet
de Liege, ou il s’estoit tenus un grant

tamps, et s’en revint en Franche, et amena
sa femme ens ou castiel de Bohain, et se deporterent toutez les mains missez
de ses terrez et retournerent toutez en son pourfit. Nous nous cesserons I
petit a parler dez besongnez dessus ditez et retournerons as incidenssez de
Bretaigne et au conte de Bouquighem.
SHF 2-174 sync Vous savéz comment lez convenancez et ordenancez furent prissez et jureez
entre le duc de Bretaigne et le

conte de Bouquighem de venir asseoir Nantez.
Quant li dus de Bretaigne fu partis de Rennez, le signeur de Montbouchier, messire
Estievene Guion, le signeur de Montraulieu, le signeur de la Houssoie et son conseil
en sa compaignie, il se retraissent vers Vennez et vers Hainbon, et ly contez de
Bouquighem et sez gens s’ordonnerent pour venir devant Nantez, et se departirent
dez fourbours de Rennez et des villagez la environ ou il estoient logiet, et se vin
rent che jour logier a Castillon, et a l’endemain a Bain, et le tierch jour che fu a Nasçay,
et au quart logeis il vinrent logier ens es fourbours de Nantez, et fu li contez
de Bouquighem logiéz a le Porte de Sauvetout, et ly sirez de Lattinier, connestablez
de l’oost, et li sirez de Fil Watier et ly sirez de Basset furent logiet a le Porte de
Saint Piere, et messires Robers Canollez et messires Thumas de Persi logiet a le Porte
de Saint Nicollay, tout sus la riviere, et messires Guillaumes de Windesore et messires
Hues de Cavrelee a le posterne de Ricebourc. Enssi estoient cil baron logiet entre
leurs gens et moult honnerablement, car c’estoit au plus priéz par raison comme
il pooient.

Dedens la ville avoit grant fuisson de bons chevaliers et escuiers
de Bretaigne, de Biausse, d’Ango et de Humainne, qui songnoient de la ville et le
gardoient tres bien, et en avoient dou tout le fais et la carge, ne cil de la
ville ne s’en ensonnioient en riens. Et avint que le nuit saint Martin, messires pb 58 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.