The Online Froissart

Facsimile mode Settings Browse | Collate

pb 91 v

car il est heure, et loés Dieu, car je ay huy recouvré mon hiretage et le roiaulme d’En
gletiere que je avoie perdu."

Enssi se tint li rois ce jour dalléz sa mere, et li signeur
en allerent cascuns paisiulement en leurs hostelx. La fu fais uns cris et uns bans de
par le roie de rue en rue, et tantos que toutez manierez de gens qui n’estoient de la na
tion de Londrez ou qui n’y avoient demoret un an entier, partesissent, et, se il y estoient
sceu ne trouvé le diemence a soleil levant, il estoient tenu

comme traiteur envers le
roy, et perderoient lez testez. Che ban fait et oy, nulz ne l’ossa enfraindre. Et se de
partirent incontinent che samedy toutez gens et s’en rallerent tout desbareté en leurs
lieux. Jehan Balle et Jaque Strau furent trouvé en une viesse maison repus, qui se
quidoient embler, mais il ne peurent. Car de leurs gens meismez il furent racuset,
de leur prisse eurent li rois et li signeur grant joie. Car on leur trença les testez, et
de Tieullier ossi. Et furent missez sus le pont a Londrez, et ostees celles dez vaillans
hommez que le joedy il avoient decollet. Cez nouvellez s’espardirent tantos environ
Londrez pour ceux des estragnez contreez qui la venoient et qui mandé de ces mesce
ans gens estoient. Si se retraissent tantos en leurs lieux, ne il ne vinrent ne osserent
venir plus avant.
SHF 2-223 sync Or vous parlerons dou duch de Lancastre qui estoit sus lez marcez d’Escoce en ces
jours que cez avenuez avinrent et chilz revelemens de peuple en Engletiere,
et traitoit as Escos, au conte de Douglas et as barons d’Escoce. Bien savoient li Escot
tout le convenant d’Engletiere, et ossi faissoit ly dus, mais

nul samblant n’en faissoit
as Escos, anchois se tenoit ossi fors en ses traitiéz, que dont que Engletiere fust toute
en bonne pais. Tant fu parlementé et alé de l’un a l’autre que unez trieuwez furent
prissez a durer III ans entre lez Escos et lez Engléz et les roiaulmez de l’un et de
l’autre. Quant cez trieuwez furent acordeez, ly signeur vinrent devant l’un l’autre,
en iaulx honnourant. Et la dist li contez Douglas au duc de Lanclastre : "Sire, nous
savons bien le rebellion et le revelement dou menu peuple d’En

gletiere et le peril
ou ly roiaulmez d’Engletiere par telle incidense est et

puet venir, si vous tenons
a moult vaillant et a tres sage, quant si francement en vos traitiéz vous vous
estez toudis tenus. Car nul samblant n’en avéz fait ne monstré. Sy vous dissons
et offrons que, se il vous besongne confort de VC ou de VIC lancez de nostre
costé, vous lez trouveréz toutez prestez en vostre service." "Par ma foy," respondy ly dus,
"biau signeur, grant mercis. Je n’y renonche pas, mais je ne quide point que
mon signeur n’ait si boin conseil que lez coses venront a bien. Et toutesfois je voel
de vous avoir I seur saufconduit de moy et des miens pour moy retourner
et tenir en vostre paÿs, se il me besongne, tant que lez cosez soient apaissiez."
Ly contes Douglas et li contes de Mouret, qui avoient la la poissance dou roy, pb 92 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.