pb 105 v
trouvoient Lombardie toute ouverte et aparillié. Sy entra ly dus d’Ango en
Lombardie. Et estoit, par toutez les cittéz et lez bonnez villez de Lombardie
trop grandement recheux, et par especial a Mellans. La fu il honnourés oultre
mesure de messire Galleas et de messire Bernabo, et eut depar yaulx si grans
dons, au passer, de richez jeuiaulx et de chevaux de pris, que mervellez seroit
a l’esmer, et tenoit li dus d’Ango partout tel estat comme rois, et avoit ses
ouvriers de monnoie, qui forgoient florins et blancez monnoiez, dont il
faissoient leurs paiemens, et passerent enssi toute Lombardie et la Tosquane.
Quant il vinrent en Toskane et que il aprochierent Romme, si se remissent
plus ensamble que ilz n’euissent esté en devant. Car ly Rommain, qui bien
savoient la venue dou duc d’Ango, s’estoient grandement fortefiiet a l’encon
tre de luy et avoient a cappitaine un vaillant chevalier d’Engletiere, qui s’appelloit
messire Jehan Haccoude, li quelz avoit de lonc tamps demoret en Rommagne et
connissoit toutez lez frontierez, si tenoit grant fuisson de gens d’armez
sus lez camps as saulx et as gagez des Rommains et de Urbain, qui se dissoit
pappez et que li Rommain et li Alemant et pluiseurs autrez nations tenoient a
pappe, et cils pour le tamps se tenoit en la citté de Romme, ne point ne
s’effreoit de la venue dou duc d’Ango, et, quant on l’en parloit et que on ly
remonstroit que ly dus d’Ango venoit celle part, le conte de Savoie en sa comp
aignie le conte de Geneve, et que il avoit bien IX mille lancez de bonnez
gens d’armez, et ne savoit on encorez de verité se il venroit de fait a
Romme pour ly oster de son siege. Car il estoit tous Clementins, il respon
doit en dissant : "Crux Cristi, protege nos." Ce estoit tous ly effrois que il
en avoit, et le quel il respondoit a ceulx qui l’emparloient.
SHF 2-246 sync Enssi passerent ces gens d’armez, ly dus d’Ango qui se dissoit et escrip
soit rois de Naplez, de Sesille et de Jherusalem, dus de Puille et de Calabre,
et li contez de Savoie et leurs routez, toute le Ytallie et la Toskane, en costiant la
marce d’Anconne et la terre dou Patrimonne, et point n’entrerent ne
aprochierent Romme. Car ly dus d’Ango ne voloit nulle guerre ne mauta
lent a Romme ne as Roumains, mais faire son voiage et son emprise deue
ment sus le point et l’estat que il estoit partis de France. Et, partout ou il
passoit et venoit, monstroit estat tres estoffet et poissance de roy, et se
looient de luy et de son paiement toutez gens d’armez. Car bien savoit
que il en aroit a faire. En che tamps se tenoit en la citté de Napplez
ses aversairez, messires Charlez de la Pais, qui se dissoit ossi et escripsoit rois
de Naples, de Sesille et de Jherusalem, dus de Puille et de Calabre, et s’en tenoit pb 106 r