The Online Froissart

Facsimile mode Settings Browse | Collate

pb 104 r
qui fu prise et emblee des gens dou prince, et tout de celle guerre, ens ou castiel
de Belleperce ? Mes Dieu, si fut et menee ent en Giane et rençonnee, ossi par pareille cose
se li François, pour eux contrevengier, prendoient le moullier dou roy d’Engletiere,
il ne feroient a nulluy tort." Pour ces doubtez et pour les apparans que on en
veoit, se tint la dame et toute sa route a Broussellez un mois tout entier. Et tant
que ly dus de Braibant, ses onclez, en envoiia en France son conseil, le signeur de
Rocelare et le signeur de Boucquehort, pour remonstrer ces cosez au roy de France et
a ses onclez, ly quel estoient ossi neveut dou duc de Braibant et filz de sa soer. Cil chevalier
de Braibant exploitierent tant et si bellement parlerent au roy de France et a son
conseil, que grace li fu faite et bons sauf conduis donnéz de passer ou il ly plaisoit,
li et les siens, fust parmy le roiaulme de France ou sus lez frontieres, en allant jusques
a Calais. Et furent li Normant qui se tenoient sus mer remandé, tout ce raporte
rent ly dessus dit chevalier en

Braibant au duc et a la duçoise. Et leur escripsoient
li rois et si oncle que, a leur priiere et contemplation et nom d’autrui, il faissoient
celle grace a leur cousine de Behaigne. Chez nouvellez plaisirent grandement au duc de
Braibant et a la duçoisse et a ceulx qui passer le mer volloient, si se ordonnerent
et se departirent de Broussellez, et prist la dame congiet a son oncle et a sa belle
ante, et as damez et damoissellez dou païs qui compaigniet l’avoient. Et se le fist
ly dus convoiier a bien C lancez. Et passerent tout parmy Gand et y reposerent
un jour, et fisent li

Gantois ce qu’il peurent d’onneur a la dame, et vint de la a
Brugez. Et le rechut li contez de Flandrez moult bellement. Et s’i rafresquirent trois
jours. Et puis passerent oultre et chevauchierent tant que il vinrent a Gravelinez.
Entre Callais et Gravelines estoient li contez de Sasleberi et li contez de Deuvesiere,
a VC lancez et otant d’archiers, qui la l’atendoient. Si l’enmenerent a Calais. Adont
retournerent ly Braibençon, quant il l’eurent delivret as barons d’Engletiere.
SHF 2-244 sync Cheste jone dame ne sejourna gairez a Callais, quant elle eut vent a volenté.
Si entrerent en leurs vaissaulx un merquedy au matin. Apriés ce que ly
cheval furent escipet, et, che jour, il ariverent a Douvrez, la se reposa et ra
fresqui la dame deus jours, au tierch jour elle party et vint a Saint Thomas de
Cantorbie, et la trouva elle le conte de Bouquinghen, qui le rechut moult grande
ment. Tant esploita celle dame que elle vint a Londrez, ou elle fu receue tres
honnerablement des bourgois, des damez et dez damoisellez

dou païs et de
la ville, qui estoient la toutez asambleez contre sa venue. Si l’espousa ly rois
en le cappelle dou palais de Wesmoustier, au XXe jour dou Noel, et y furent
au jour des espoussaillez moult grandez les festez. Et toudis fu en sa compaignie,
depuis que elle vint a Trec en Alemaigne, chilz gentilz et loyaulx chevaliers, messires pb 104 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.