The Online Froissart

Facsimile mode Settings Browse | Collate

pb 74 r
Lieureghem la baniere dou conte de Flandrez. Toutez cez bataillez faittez et cez
ordenancez, il aprocierent, lez V bataillez contre lez trois, mais de commenche
ment il n’en y ot que III de la partie dou conte qui aprochaissent ne asamb
laissent. Car lez II estoient sus elle pour reconforter lez branllans. La estoit
ly contez en present, qui lez prioit et amonnestoit de bien faire et de pren
dre vengance de ces esragiéz de Gaind, qui leur avoient fait tant de painne,
et dissoit bien a ceulx dez bonnez villez: "Soiiéz tout seur, se vous fuiéz, vous seréz
mieux mort que devant. Car sans merci je vous feray tous trenchier les
testez." Et mist li contez ceulx de Brugez en la premiere bataille, et ceulx dou
Franc en la seconde, et ceulx de Ippre et de Courtray en la tierce, et ceulx de

Popringhe, de Berghez, de Cassiel et de Bourbourc en la quarte. Et il avoit re
tenu dalléz ly ceulx de Lille, de Douay et de Audenarde. Or s’asamblerent cez
bataillez, et vinrent l’un contre l’autre. Rassez de Herselle avoit la premiere
bataille. Car c’estoit ly plus outrageus, hardis et entreprendans dez aultrez,
et pour ce voloit il estre des premiers

asaillans et avoir ent l’onneur, se
point on y ceoit. Et s’en vint asambler a ceulz de Brugez, que ly sirez de Gistellez
et si frere menoient. La eut, je vous dis, grant bouteis et grant poussis de
premierez venuez. Ossi d’autre part lez aultrez bataillez asamblerent, la en y ot
pluiseurs reverséz a ce commencement de une part et d’autre, et y faissoient ly Gan
tois des grans appertissez d’armez, mais cil dou conte estoient trop plus grant
fuisson, IIII contre I, la ot bon bouteis et qui longuement dura, anchois que
on peuist veoir ne savoir qui en aroit le milleur. Et se missent toutez cez
bataillez ensamble, la crioit on: "Flandrez au lion!" en reconfortant les gens
le conte. Et ly autre crioient a haute vois: "Gaind ! Gaind !" Et fu tel fois que lez
gens le conte furent en aventure de tout perdre. Et, se il euissent perdu terre,
il estoient desconffy et mort sans recouvrier. Car Pietrez dou Bois et bien
VI mille hommez estoient sus lez camps, qui bien lez veoient combatre, mais
ilz ne lez pooient conforter pour I grant plassiet d’aige

et de maréz, qui
estoit entre eulx et les combatans, mais, se li contez euist perdu ce jour et
que sez gens euissent fuioit par cause de desconfiture, Piettrez dou Bois
leur fust saillis au devant et lez euist eu a volenté, ne ja piéz n’en fust
escappéz, ne contez ne autrez, que tout n’euissent esté mort sus le place
ou en cace, dont c’euist esté grant damage. Car en Flandrez n’euist eu
point de recouvrier.
SHF 2-202 sync Rassez de Herselle et Jehans de Launoit ne l’eurent miez d’avantage
a asaillir lez gens le conte. Car ly contez avoit la grant fuisson de bonne pb 74 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.