The Online Froissart

Facsimile mode Settings Browse | Collate

pb 54 r
Flandrez. Or parlons des Engléz, et puis nous retournerons au couronnement dou
jone roy Charle, et recorderons petit a petit lez termez de son resgne et quels
cosez ly avinrent.

SHF 2-169 sync Encorez ne savoient riens ly Englés, qui avoient passet le riviere de Sartre en
grant peril, de la mort dou roi de Franche, et estoient logiet a Noiion sus Sartre,
et la se rafresquirent et reposerent deus nuis et I jour. Au second jour, il se
deslogierent et s’en vinrent a Poilli, et la se logierent a II petitez lieuwez de Sablé.
Et estoit tous ly pooirs de Franche en la citté del Man et la environ, mais il
ne faissoient que costiier les Engléz, et dissoient ly aucun que on lez comba
teroit. Quant lez nouvellez vinrent as uns et as aultrez que ly rois de
Franche estoit mors, adont se desrompi ly pourpos des François, car pluiseur gr
ant baron, qui estoient en le poursieute des Englés, se deslogierent, et s’en
revinrent en Franche pour savoir dez nouvellez. Et demorerent ly Englés
a Poilly trois jours. Au IIIIe jour, il se deslogierent et

s’en vinrent tout souef
jusquez a Saint Piere d’Arve, et la se logierent. A l’endemain passerent il la
riviere d’Arve et vinrent logier a Argentré, et

passa l’ost a l’endemain la
riviere del Mainne parmy uns marescagez, que il ne pooient aller que II ou
III de front le plus dou chemin, qui bien dura II lieuwez. Or regardéz se ly
François seuissent che convenant et que il euissent assailly l’avantgarde,
ly arrieregarde ne le peuist avoir conforté, ne ly avantgarde l’arrieregarde.
Et se doubterent moult li Engléz de cel affaire. Toutezfois il passerent et
vinrent logier a Kossé, et la furent IIII jours en yaulx repossant et rafres
quissant iaulx et leurs chevaulx, et esperoient tous lez jours a oir nouvellez
de Bretaigne. Ly dus de Bretaigne se tenoit en Hainbon en la marce de Vennez,
et ooit bien tous lez jours nouvellez des Engléz, comment il aprochoient
durement Bretaigne. Si ne savoit encorez comment il se cheviroit, car, quant
on li recorda le mort dou roy de Franche, il l’eut tantos passé et n’en fist
conte, car il ne l’amoit que I petit, et dist adont a ceulx qui daléz ly estoi
ent: "La rancune et hainne que je avoie au roiaulme de Franche, par le cause de ce
roy Charle mort, est bien afoiblie la moitié, et tels a hay le pere, qui amera
le fil, et tels a guerriiet le pere, qui aidera le fil. Or fault que je m’aquitte
envers les Engléz, car voirement lez ai ge fait venir a ma requeste et
ordenance et passer parmy le roiaulme de Franche, et me fault tenir ce que
je leur ay proumis. Or y a I dur point pour moy et pour eulx, car j’en
tens que nos bonnez villez de Bretaigne se cloeront ne point dedens
ne les laisseront." Adont appella il aucuns de son conseil et chiaulx ou pb 54 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.