Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 52 v | Next
pb 52 v
lez glavez. Li François, qui ne se veoient pas a jeu parti, n’eurent tallent d’a
tendre, car il estoient priéz de Vendome, si esperonnerent celle part
pour eulx mettre a sauveté, et Engléz apriéz, et François devant. La furent
ruet jus de cops de glavez Robers de Hangiers, cousins au signeur, et Jehans
de Mondigni et Guillaume de Launay et encorez V ou VI, et furent tantos
enclos, et lez convint rendre prisonniers ou pis finer. Ly sirez de Hangiers
vint sy a point a la bariere que elle estoit ouverte, si descendy et entra de
dens, et puis prist son glave, et se mist vaillanment a deffensse. Et furent
petit a petit tout si compaignon requelliet, et enssi que il venoient, il
descendoient et se mettoient a deffensse. Toutezfois, il en y ot des pris
onniers jusquez a XII, et puis retournerent ly Engléz. Enssi alla de ceste
aventure. Che propre jour aussi chevauchoient Robiers Canollez et
sa route, si encontra et trouva le signeur de Mauvoisin et sa route.
Si se ferirent ly un dedens l’autre, Engléz et François, car il estoient
asséz a jeu party. Et ne daigna li sirez de Mauvoisin fuir, mais se com
baty a piet moult vaillanment, mais finablement messires Robiers Canollez
le prist de sa main, et fu son prisonnier. Et che jour passa l’oost devant
Vendome et la riviere de Lar, et vint logier et gesir a Ausie, en la
conté de Vendome, et l’endemain a Saint Callais, et la se repossa l’oost
deus jours. Au tier jour, il se deslogierent et vinrent a Lussé, et l’en
demain au Pontvolain.
SHF 2-167 sync Enssi cheminoient ly Engléz et ne savoient a qui parler, car nulz ne
ne leur aloit au devant ne au devant de leur chemin. Si estoit
tous li païs cargiéz et raemplis de gens d’armez, et en y avoit a merveil
lez grant fuisson en la citté del Mans et en la citté d’Angiers. Et s’en
vint adonc li dus d’Ango par Tours en Tourainne et par Blois et par Orliiens
a Paris, car il entendi que li rois, ses frerez, agrevoit moult et que
il n’y avoit point de retour, si voloit estre a son trespas. Et pour ce
ne se departoient miez les gens d’armez de leurs garnissons, mais pour
sieuoient et costioient lez Engléz a leur loial pooir, sans eulz abando
nner entre iaulx trop avant. Et ordonnerent lez gens d’armez de
Franche, qui connissoient les passagez des rivierez, que, sus la riviere de
Sartre, la quelle il convenoit les Engléz passer, car se il faissoient ce
chemin, il lez ensonnieroient mallement et lez encloroient, se il poo
ient, ou païs, par quoi il lez afameroient, et puis lez aroient a volenté
et lez combateroient a leur avantage, vosist li rois de Franche ou non. pb 53 r