pb 31 v
a leur entente, ocis mez chevaliers en la ville de Ippre, fait tant de malefissez contre moy
et ma signourie que je suy tous tanéz dou recorder, et voldroie que il ne m’en
souvenist jaméz! Mes si fera, voelle ou non." "Ha! monsigneur," respondirent cil de Gaind,
"ne recovréz jamais a cela, vous nous avéz tout pardonné." "C’est voirs," dist ly
contez, "je ne voel pas pour mez parolles ou tamps a venir que vous en vailliéz
mains, mais je lez vous remonstre pour les grans cruaultéz et felonniez que
j’ay trouvé en ceulz de Gaind." Adonc s’apaissa li contez et se leva et les fist lever,
et dist au signeur de Rainsefliez, qui estoit dalléz lui: "Faitez aporter le vin." On
l’aporta, si burent chil de Gaind, et puis se partirent et se retraissent a leurs
hostelz et furent la toute la nuit, car li contez y demora ossi, et l’endemain tout
ensamble il chevauchierent viers Gaind.
SHF 2-129 sync Quant chil de Gaind entendirent que leurs sirez li contez venoit, si furent
moult resjoi et vuidierent a l’encontre de li a piet et a cheval, et chil qui l’en
controient, s’enclinoient tout bas a l’encontre de ly et li faissoient toute l’onneur
et reverence que il pooient. Il passoit oultre sans parler, et lez enclinoit I
petit dou chief. Enssi s’en vint il jusquez a son hostel, que on dist a le Posterne,
et la disna. Et li furent fait depar la ville tamaint present, et le vinrent veoir
ly juret de la ville, che fu raisons, et se humeliierent moult envers luy. La leur
requist li contez et dist que en bonne paix ne doit avoir que paix, mais il
volloit que li Blanc Cappron fussent ruet jus et que li mors de son baillieu
fust amendee, car il en estoit requis de son linage. "Monsigneur," respondirent ly
juret, "c’est bien nostre entente, et nous vous prions que, vostre grant hume
lité, vous voelliéz demain venir en le place et remonstrer deboinairement
vostre entente au peuple. Et, quant il vous verront, il serront si resjoi que il
feront tout che que vous voldréz." Ly contez leur accorda. Che soir sceurent
trop grant fuisson des gens aval la ville que li contez seroit a VIII heurez
ou Marchiet des Devenrez et que la il precheroit. Lez bonnez gens en fu
rent tout resjoy, mais li fol et li outrageus n’en fissent compte, et dissent
que il estoient tout prechiet et que bien savoient quel cose il avoient a
faire. Jehan Prouniel, Rasse de Harselle, Pietre dou Bos, Jehan Boulle et lez
cappitainnez des Blans Capprons se doubterent que che ne fust sus leur
carpent, et parlementerent che soir ensamble, et se manderent aucuns de
leurs gens, tous lez plus outrageus et pieurs de leur compagnie,
et leur dissent: "Entendéz, tenéz vous anuit et demain tout pourveu de
vos armeurez, ne, pour cose que on vous die, n’ostéz point vos capprons.
Et soiiéz tout ou Marchiet des Devenres a VII heurez, mais ne faitez pb 32 r