pb 27 r
trop bonnez gens, par quoy la ville n’estoit miez a prendre, et se commenchoient
ses gens fort a lasser, si fist sonner de la retraite. Adont se retraissent ly
Gantois tout bellement selonc la riviere, et en remenerent toute leur
navie, et s’en vinrent che soir logier dont il estoient au matin party. Et a
l’endemain il s’en retournerent en l’oost devant Audenarde. Si demora
depuis Tenremonde en pais tant que pour celle saisson, mais li siegez
se tint devant Audenarde moult longuement. Et estoient li Flament, qui la
seoient, signeur des camps et de la riviere, ne nullez pourveancez n’entroient
en Audenarde, se ce n’estoit en grant peril au lés deviers Haynnau. Mais
a le fois aucun vitaillier, qui s’aventuroient pour gaaignier, quant on dor
moit en l’oost, s’embloient et se boutoient ens es baillez d’Audenarde, et
puis on lez metoit en la ville. Entre les assaulz qui furent fais a Aude
narde, il en y eut un trop durement grant et qui dura I jour toute
jour. Et la furent fait li nouviel chevalier de Haynnau, de Flandrez et d’Artois
qui estre le vaurent, et en leur nouvelle chevalerie on ouvri le porte deviers
Gaind. Et s’en vinrent cil nouvel chevalier combatre as Gantois as bailléz, et la
ot bonne escarmuche, et fait des grans appertissez d’armez, et pluiseurs Flamens
mors et bleciéz. Mais il en faissoient si peu de conte et si petit reson
gnoient le mort que il s’abandonnoient trop hardiement. Et quant cil qui
devant se tenoient, estoient mort ou blechiet, ly autre, qui estoient deriere,
les tiroient hors, et puis se remetoient devant et monstroient grant visage.
Enssi se continua cils assaulx qui dura jusquez au soir que cil d’Audenarde
rentrerent en leur ville et fremerent portez et barierez, et li Flament
ralerent a leurs logeis. Si entendirent a ensevellir les mors et a aparil
lier les navrés.
SHF 2-121 sync Chil Flament de Flandres, qui seoient a siege devant Audenarde, espero
ient bien par lonc siege a conquerre la ville et ceulz qui dedens estoi
ent, ou par afamer ou par assaut, car bien savoient que il l’avoient si bien
environnee que par le riviere ne par tiere riens ne leur pooit venir. Et ly
sejourners la ne leur grevoit riens, car il estoient en leur païs
et dalléz leurs maisons, sy avoient tout che que il leur besongnoit,
vivrez et autrez cosez, plus largement et a milleur marchiet que dont
que il fuissent a Brugez ou au Dam. Ly contez de Flandrez, qui sentoit
en le ville de Audenarde grant fuisson de bonne chevalerie, se doubtoit
bien de ce point que par lonc siege il ne fuissent la dedens afamet,
et euist volentiers veü que aucuns tretiéz honnerablez pour ly se pb 27 v