The Online Froissart

Facsimile mode Settings Browse | Collate

pb 24 v

SHF 2-116 sync De la mort Jehan Lion furent tout si ennemy resjoi, et sy ami courou
chiet. Si fu aportéz a Gaind, et pour la mort de ly retourna toute
leur hoost. Quant lez nouvellez de sa mort furent venuez a Gaind,
toutez gens en furent tres grandement courouchiet, car mout y estoit
améz, excepté cil qui estoient de le partie dou conte. Si vuidierent les
eglissez a l’encontre dou corps, et fu amenéz en la ville a ossi grant solemp
nité que dont que ce fust li contez de Flandrez, et fu ensevelis moult reve
ranment en l’eglise de Saint Nicollay et la gist. Pour che, se Jehans
Lions fu mors, ne se briserent miez adont les convenancez que cil de
Gaind avoient a chiaulx de Brugez, car ly Gantois avoient de ceulx
de Brugez pris bons ostagez et tenoient en le ville de Gaind, pour
quoi les obligancez ne se pooient desrompre. De la mort Jehan Lion fu
ly contes de Flandres grandement res

jois, ossi furent Ghisebrest Mahieu
et si frere et ly doiiens des menus mestiers de Gaind et tout cil de le partie
dou conte. Si fist li contez de Flandrez plus fort que devant pourveir ses
villez et ses castiaulx, et envoiia en le ville de Ippre grant fuisson de
bons chevaliers de le castelerie de Lille et de Douay, et dist que il aroit temp
rement sa raison de chiaulx de Gaind. Tantos apriés le mort Jehan Lion,
chil de Gaind regarderent que il ne pooient longuement estre sans
cappitainnez. Si en ordonnerent ly doiien des mestiers et li chiencqua
ntenier des portes IIII, a leur avis les plus outrageus, hardis et entre
prendans de tous les autrez, tout premiers Jehan Prouniau, Jehan Foule,
Rasse de Harselle et Pietre dou Bos. Et ju

rerent toutez manierez de autrez
gens a obeir a ces cappitainnez sans nulle excepcion et sus la teste. Et
les cappitainnez jurerent a garder l’onneur et les francissez de le ville. Cez
IIII cappitainnez esmeurent chiaulx de Gaind a aler a Ippre et ou Franc de
Brugez pour avoir l’obeissance d’iaulz ou tout ocire. Sy se departirent de Gaind
ces cappitainnez et leurs gens en grant arroy, et estoient bien XII mille
tout armé au cler. Si cheminerent tant que il vinrent a Courtray. Chil
de Courtray les laissierent entrer en leur ville sans dangier, car elle sciet en
la castelleriie de Gaind, et se tinrent la tout aisse et s’i rafresquirent,

et
furent II jours. Au tierch jour, il s’en partirent et s’en allerent viers Ippre,
et enmenerent avoec eulx XIIC homcidez tous arméz au cler, parmy les
arbalestriers de la ville de Courtray, et prissent le chemin de Tourout.
Quant il furent venu a Tourout, la s’aresterent, et eurent conseil les cap
pitainnez de Gaind que il envoieroient III ou IIII mille de leurs gens pb 25 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.