Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 17 r | Next
pb 17 r
riens que pierdre. Et fu Jehans Lions esleus a estre chiés de ces Blans Capprons,
le quel office il rechut asséz liement pour li contrevengier de ses ennemis
et pour entouellier la ville de Gaind encontre ceulx de Bruges et le conte
son signeur. Et fu ordonnéz a aler contre ces fosseurs de Bruges comme
souverains cappitains, et li doiiens des Blans Capprons en sa compaignie.
Chil doy avoecquez leurs gens avoient plus chier assés guerre que
pais ny. SHF 2-104 sync Quant Ghisebrés Mahieus et si frere veirent la contenance de ces Blans
Capprons, si n’en furent pas trop resjoi, et dist Estievenins, ly uns des
freres: "Je le vous dissoie bien, certez cils Jehan Lion nous desconfira par
sa soutieuté. Mieux vausist que on m’en euist laissiet convenir de ly occire
que dont que il fust en l’estat ou il est et ou il venra, et tout par ces Bl
ans Capprons que il a remis sus." "Nenil," dist Ghisebrest, "mais que je aie
parlé a monsigneur, on le metera tout jus. Je voel bien que il facent leur en
prisse de aler contre ces fosseurs de Brugez pour le pourfit de nostre ville,
car, au voir dire, autrement nostre ville seroit perdue." Jehans Lions et sa
route tout a Blans Capprons se departirent de Gaind en volenté et en pour
pos que de tous occire ces fosseurs et ceulz qui les gardoient. Les nouvel
lez vinrent a ces fosseurs et a leurs gardez, que li Gantois venoient la eff
orciement, si se doubterent de tout perdre et laissierent leur ouvrage et
se retraissent a Brugez tout effraé, onquez puis ne s’ahatirent de fosser. Quant
Jehan Lion et li Blanc Cappron veirent que nulz ils n’en avoient trouvéz,
si furent courouchiet et se retraissent en Gaind. Pour che ne cesserent il
miez de leur office, mais aloient li Blanc Cappron tous wisseux parmy la
ville. Et lez tenoit Jehan Lion en cel estat et dissoit bien as aucuns tout
secreement: "Tenés vous tout aisse, buvéz et mengiéz, et ne vous effraés de
cose que vous despendéz. Tels paiera temprement votre escot, qui mainte
nant ne vous donroit point I disner."
SHF 2-105 sync Che terme pendant et en celle meismez sepmaine que Jehans Lyons et ly
Blanc Cappron furent a Donse pour trouver les fosseurs de Brugez,
estoient venuez nouvellez a Gaind et requestez pour ceulz qui des francissez
de Gaind se voloient aidier, en dissant a ceulz qui le loy maintenoient
pour la saison: "Signeur, on tient prisonnier a Erclo, chi dallés nous, qui est
en le francise de Gaind, en la prison dou conte, un nostre bourgois, et en
avons sommé le baillieu de monsigneur de Flandres, mais il dist que il n’en renpb 17 v