pb 14 r
fait a grant despit et les accusa couvertement de traison. Quant il furent
venu en Avignon et furent amis que il estoient la trait cauteleusement pour
trahir le pappe, si furent pris et envoiiet a Mascons et la decollé. Ensi se por
toient ly affaire en che tamps ens es partiez pardedela, et vous dy que messires
Bertrans de Claiequin fu durement courouchiéz de la mort messire Selevestre
Bude son cousin sus le pappe et les cardinaulx, et se il euist vesqui lon
guement, il leur euist remonstré ou fait remonstrer que la mort de ly ly
estoit desplaissans. Nous soufferons a parler presentement de ces materes
et entrerons ens es materez des guerrez de Flandrez qui commenchierent en
celle saisson, qui furent durez et cruellez, et de quoi grant fuisson de peuple
furent mort et essilliet, et li païs contournéz en tel violensse que on dissoit
adonc que C ans a venir il ne faissoit mies a recouvrer ne a remettre ou
point ou lez guerrez le prisent, et remonsterons et recorderons par quelle in
cidensse ces maleoitez guerrez commenchierent.
SHF 2-101 sync Quant les hainnes et tribulacions vinrent premierement en Flandres,
ly païs estoit si plains et si raemplis de tous biens que merveillez seroit
a considerer, et tenoient les gens ens bonnez villes si grans estas que mer
vellez estoit a regarder. Et devéz savoir que toutez ces guerrez et hainnez me
urent par orguel et par envie que les bonnez villez de Flandrez avoient l’un
sus l’autre, chil de Gand sus le ville de Brugez, et cil de Brugez sus ceulx
de Gand, et enssi les autres villez les unez sus les autrez. Mais tant y a
de resort que nullez guerres entre ellez principaument ne se pooient
mouvoir ne eslever, se leurs sirez ly contez ne le consentoit, car il y estoit
tant cremus tant amés que nulz ne l’osoit courouchier. Enssi li contez,
qui estoit sagez et soutieus, resongnoit si la guerre et le mautallent entre
ses gens et ly, que oncquez nulz sires feist plus de ly, et fu premierement sy
frois et si durs a esmouvoir la guerre que nullement il ne s’i voloit bouter,
car bien sentoit ens ses ymaginacions que, quant ly differens seroit entre
ly et son païs, il en seroit plus foiblez et mains doubtéz de ses voisins. En
core resongnoit il la guerre pour I autre cas, quoyque en le fin il ly con
venist prendre. Guerres sont destrucions de misse, de corps et de chavance, et
en son tamps il avoit vesqui et resgné en grant prosperité et en grant
pais et eu otant de ses deduis que nulz sirez terriiens pooit avoir eu. Et
ces guerrez qui li sourdirent sus le main commenchierent par si petite incidense
que, au justement considerer, se sens et avis s’en fuissent ensongniiet, il n’i pb 14 v