The Online Froissart

Facsimile mode Settings Browse | Collate

pb 4 r
et demandéz dou duc de Lancastre comment li afairez avoit allé. Il en respondy
enssi et dist: "Monsigneur, a la requeste de vous j’en parlerai. Entruéz que my signeur
qui chi sont, estoient a Panpelune, en atendant l’acomplissement des tretiéz
qui fait estoient, par leur congié je demorray dalléz le roy de Navare moult hon
nouréz de ly et de ses gens. Me parti

de Panpelune en sa compaignie, et vint
ly rois a Saint Dominige. Contre sa venue issi hors li rois Henris a grant gent,
qui en amour et par bonne pais l’attendoit. Et fu li rois de Navare moult hon
nerés

de ly et de ses gens, et li donna che soir a soupper moult hautement.
Apriés soupper, nouvellez vinrent que uns senglers estoit ens es landez asés
priéz de la, sy fu ordonné que a l’endemain on l’iroit cachier. A celle cache
furent li doy roy et leurs veneurs, et fu li senglers pris, et retournerent
en grant amour che soir a Saint Dominige. A l’endemain, se departy li rois
Henris et s’en ala la Piere Ferrade pour une journee que il avoit la contre
sez gens. La ly prist une maladie dont il morut, et sceut sa mort li rois
de Navare sus lez camps, car il le venoit veoir. Adonc retourna il tous
courouchiéz en son païs, et je pris congiet a lui. Sy m’en alay en Castille
pour veoir et aprendre dez nouvellez. Et trespassa ly rois Henris le jour
de le Pentecouste. Assés tost apriéz, le XXVe jour de julle, le jour saint Jaqueme
et saint Phelippe, fu couronnéz a roy dans Jehans de Castille, ainés fils
dou roy Henry, en l’eglise catedral de la citté de Burghez, auquel couron
nement furent tout li prelat et li noble de Castille, d’Espaigne, de Galise
et de Corduwan et de Sebille, et tout li jurerent sus Saintez Evangillez
a tenir a roy. Et fist che jour CC et X chevaliers et donna moult de biaulz dons.
A l’endemain de son couronnement, a grant compaignie de noblez, il s’en
vint en une abbeie de damez au dehors de Burghez, que on dist le Sorghez.
La oÿ la messe et disgna. Et la ot grans

joustez, et en ot le pris ly
viscontez de Rokebertin d’Arragonne, et che soir retourna li rois a Bur
ghez. Et durent cez festez bien XV jours." Adonc demanda li dus de Lan
castre se li rois de Portingal avoit point esté priiéz d’avoir la esté. Il

respondy: "Oil, mais il n’y volt venir. Et fui enfourméz que il avoit
respondu as mesagez qui y estoient allé que ja ne seroit au couronne
ment dou fil d’un bastart qui avoit mourdrit son frere." "Par ma foy,"
respondy li dus, "de cez parollez dire il fu bien consilliéz, et si l’en say
bon gre, et les cosez ne demoront pas longuement en cel estat, car moy
et mon frere li calengeront l’iretage dont il se dist rois." A tant finerent pb 4 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.