Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 3 r | Next
pb 3 r
et se met en bon convenant pour ly deffendre et garder, se il besongnoit.
Quant les gens le signeur de Lagurant furent venus jusques a luy, il
le trouverent navré a mort. Si furent tout courouchié et en ordonnerent
et aparillierent au mieux qu’il peurent, et le raporterent arriere en son cha
stiel, mais il morut a l’endemain. Enssi avint en che tamps en Gascongne
de che signeur de Lagurant.
SHF 2-85 sync En che tamps avint uns fais d’armez en Rocelois, car Helios de Plaisac,
uns moult aduréz escuiers et vaillans homme as armez, estoit cappit
ainne de Bouteville, un fort engléz, et tenoit la en garnisson environ VIXX
lanchez de compaignons englés et gascons qui moult constraindoient
le païs et couroient priezque tous lez jours en devant La Rocelle
en devant Saint Jehan l’Angelier, et tenoient cez II villez en telz doub
tez que nulz n’ossoit issir fors en larcin. Dont li chevalier et li escuier dou
païs estoient moult courouchiet, et s’aviserent I jour qu’il y pourve
roient de remede a leur loial pooir, car il seroient de leurs enne
mis mort ou pris sus lez camps. Si se quellierent et asamblerent
en La Rocelle environ CC lancez, car ce estoit la ville ou Helios
et li sien couroient le plus souvent devant. Et la estoient de
Poito et de Saintonge, ly sirez de Tors, ly sires de Puissances, messires
Jaquez de Surgieres, messires Perchevaux de Coulongne, messires Renaulx
de Touwars, messires Huez de Vivonne et pluiseurs autrez en grant volenté
de rencontrer leurs ennemis. Et seurent ces cappitainnez par leurs
espiez que Helios de Plaisac chevauceroit et venroit devant La
Rocelle aquellir le proie. Si se ordonnerent selonc che et se partirent
dou soir, tout bien armé et monté a cheval, et se missent as camps.
A leur departement, il ordonnerent que a l’endemain bien matin on
mesist tout le bestail hors as camps a l’aventure. Enssi fu fait que
ordonné fu. Quant che vint au matin, Helios de Plaisac et sa route
s’en vinrent courir devant La Rocelle et ferir jusques as barrierez.
Entrués chil qui commis y estoient, asamblerent toute la proie
et le fissent mener des hommez dou païs devant yaulx. Il ne
l’eurent pas mené une lieuwe quant evous lez François, qui
estoient plus de CC lancez, qui leur vinrent sus elle. Et ne s’en
donnoient garde ly Englés et se bouterent de plains eslais et
as roidez lancez sus leurs ennemis. De premierez venuez, il en y eut pb 3 v