pb 123 v
les grans bois et les haulx arbrez, et veoit que ses faucons abatoit oisiaux
a sy grant plenté que il en estoit tous esmervilliéz comment il pooit ce
faire. Et sambloit au roy que, quant cils faucons ot aséz volet et abatu de
hairons et de oisiaux tant que bien devoit souffire, ly rois reclama son fau
con, et tantos cils faucons, comme bien duis, s’en vint assir sus le poing dou roy,
et estoit vis au roy que il reprendoit le faucon par les longnez et le metoit
a son devoir. Et cilz cers ravaloit pardesus ces bois et raportoit le roy en
la propre lande la ou il l’avoit encargié et ou li connestablez de France le
atendoit, qui avoit grant joie de sa venue. Et, sitos comme li rois fu la venus
et descendus, ly cers s’en raloit et rentroit ou bos, et ne le veoient plus, et la
recordoit li rois au connestable, che li estoit vis, comment il li estoit avenu, et
dou cerf, comment il l’avoit doucement porté. "Ne onquez", dist li rois, "je ne
chevauchay plus aise." Et li recordoit Et li recordoit encorez la bonté de son fau
con, comment il avoit abatu tant d’oisiaulx que il en estoit esmervilliéz,
et li connestablez l’ooit volentiers. Adont venoient ly varlet qui lez poursieu
oient, qui ramenoient leurs chevaulx. Si montoient sus et trouvoient un
chemin bel et ample qui les ramenoit a Arras. Adont s’esvilloit li rois et
avoit grant mervelle de celle vission. Et trop bien li souvenoit de tout, et
le recorda a aucuns de ceulx de sa cambre, qui le plus prochain ly estoient.
Et tant li plaissoit li figure de che cerf que a painez en ymaginacions il
n’en pooit partir. Et fu ly une des incidensez premiers, quant il descendy
en Flandrez combatre les Flamens, pourquoy le plus il encarga en sa devise
le cerf vollant a porter. Nous nos soufferons un petit a parler de ly, et parle
rons de Phelippe d’Artevelle et des Flamens qui se tenoient a siege devant
la garnisson et ville d’Audenarde.
SHF 2-293 sync Phelippe d’Artevelle, quoyque il li fust bien avenu en son commenchement
de la bataille de Brugez et que il euist eu la celle grace et celle for
tune de desconfire le conte et ceulx de Brugez, n’estoit miez bien soutilz
de guerrez ne de faire siegez. Car de joneche il n’y avoit point esté
nouris ne introduis, mais de pesquier a le verghe as pissons en la riviere
dou Lis et de l’Escaut, de cela faire avoit il estet grans coustumiers, et
bien le monstra, luy estant devant Audenarde. Car onquez ne sceut la ville
assir et quidoit bien, par grandeur et presomption qui estoit en luy, que
chil d’Audenarde se deuissent de fait venir rendre a luy, mais il n’en a
voient nulle volenté, ainçois se portoient comme tres vaillans gens, et
faissoient souvent yssuez , et venoient escarmuchier as barrierez a ces pb 124 r