pb 115 v
il estoient la venu, prissent congiet as maistrez de Liege, li quel ordonnerent avoecq
eux certains hommez pour aler sour le païs, pour requellier chars et harnois, et en eurent
sus deus jours VIC tous chergiéz de blés et de farinez. Car tels pourveancez
leur estoient plus necessairez que autrez, si se missent cez pourveances au chemin, et
passerent tout li char entre Louvaing et Brouxellez, au retour que François Acremen
fist a ses gens qui estoient sus le frontiere de Louvaing, il leur recorda l’amour
et le courtoisie que cil de Liege leur avoient fait et offroient encores a faire.
Et leur dist que il yroit a Brouxellez parler a la duçoise de Braibant et li remon
steroit en priant, depar la bonne ville de Gand, que elle vosist descendre a ce
que de envoiier devers le conte de Flandrez, leur signeur, par quoi il peussent
venir a paix. Il respondirent : "Dieux y ait part!" François se parti de Burlevort
et s’en vint a Brouxelle, pour ce tamps estoit li dus de Braibant pour ses be
songnez en Lusenbourc. François, lui IIIe tant seullement, entrerent en Brouxellez,
par le congiet de la duçoise qui les volt veoir. Et vinrent cil troy en l’ostel de
la duçoise a Coleberghe, la avoit la duçoise une partie de son conseil dalés ly. Cil
troy se missent en genoulx devant la dame, et parla François pour tous, et dist :
"Treshonnouree et chiere dame, par vostre grant humilité, plaise vous a avoir pité
et compation de ceulx de la ville de Gand qui ne pueent venir a merchy ne
a paix devers leur signeur, ne nulz moiens ne s’en ensongnie. Et vous, tres
chiere dame, se, par un bon moiien, il vous plaissoit a entendre par quoy nos
sirez li contez vosist descendre a raison et avoir pité de sez gens, vous feriéz grant
aumosne, et nos bons voisins et amis de Liege y entenderont volentiers, la
ou il vous y plaira a ensonnier." Dont respondy la duçoise moult humblement,
et dist que de la dissention qui estoit entre son frere le conte et eulx elle
estoit courouchie, et que volentiers, de grant tamps avoit, y eust mis atemp
rance, se elle peuist ne seuist. "Mais vous l’avéz par tant de fois courouchié
et avéz tant de mervilleusez oppinions tenu contre luy que che le soustient
en son aïr, nonobstant tout ce, pour Dieu et pour pité, je m’en enson
niieray volentiers, et envoiieray devers luy en priant que il voelle venir
a Tournay, et la je envoieray de mon plus especial conseil, et vous ferés
tant ossi que vous arés le conseil de Haynnau avoec celly de Liege, que vous
ditez qui vous est apparilliéz." "Oil, madame," che respondirent il. "Car il
le nous ont proumis." "Or bien," dist la duçoise, "et je en esploiteray tant que
vous vos en perceveréz." Et cil troy respondirent : "Madame, Dieux le vous
puist merir et valloir au corps et a l’ame !" Adont prissent il congiet a la du
çoise et a son conseil, et se partirent de Brouxellez, et s’en vinrent vers leurs pb 116 r