The Online Froissart

Facsimile mode Settings Browse | Collate

pb 373 r

et son con

seil pour rompre tous ces
traittiéz et pour remonstrer la bonne
voulenté du roiaulme d’Escoce. Adont
y furent ordonnéz l’evesque de Saint
Andrieu et des chevalliers messire
Arcembaut de Douglaz, messire
Guillemme de Lindesee et messire Jehan
de Saint Clar. Ceulx se departirent
le plus tost que ilz porent, puis
monterent en mer et arriverent
a l’Escluse, si chevauchierent tant
par leurs journees qu’ilz vindrent
a Paris, devers le roy et son

conseil,
et monstrerent les lettres de creance
les barons et les prelats du royaulme
d’Escoce. Ilz furent oÿs et voulentiers
entendus, de grande affection que
ilz avoient de proceder en la guerre
a l’encontre des Anglois. Mais non
obstant ce la chose estoit ja si avant
des parties menee, pourparlee, et
traittiee, que on ne pouoit ne vouloit
reculer. Et furent les Escochois
respondus doulcement, et convint
que la chose se fesist. Si se firent et
prindrent unes trieves, par l’aide
des moiens qui s’en ensonnierent, et en
orent plusieurs journees de traittiéz
et de parlemens a Lolinghem entre
Boulongne et Calaiz. Et tant fut
parlé, traittié et mené, que unes
trieves furent prinses, donnees
et accordees plainement entre France
et Angleterre sur la fourme quy cy
s’ensieut et portees tout oultre.

Car ceulx quy s’en enssonnyoient
de mener les traittiéz quy estoient
prelats et haulz barons et sages
des deux roiaulmes, c’est assavoir
de France et d’Angleterre, les avoient
si approchees que il convenoit que
ilz se feissent. Et furent prinses
unes tresves entre les dessusdis
deux roiaulmes de France et d’An
gleterre et de tous leurs ahers,

conjoindz et alyés par mer et par
terre a durer fermement sans
dissimulation ne umbre nul de mal
engin trois ans entre toutes parties.
Et se tenoient a Boulongne iceulx
traitteurs pour celle trieve mener
depar le roy de France, l’evesque de
Baieulz, le conte Walleran de Saint
Pol, messire Guillemme de Melun,

messire Nicolas Bracque, et messire
Jehan Le Merchier. Et en la ville
de Calais depar le roy d’Angleterre
furent prelats et seigneurs, l’evesque
de Duresmes, messire Guillemme de
Montagu, conte de Saslebery, messire
Guillemme de Beauchamp, capitaine
de Calaiz, Jehan Clanou, Nicolle de
Gaberich, chevalliers et chambellans
du roy Richart. Et maistre Rohale,
clerc et docteur en loiz. Et se te
noient les parlemens de ces parties
sur le mylieu du chemin plenier
comme dit est entre Boulongne
et Calais et est appellé ou paiis
Lolinghem. pb 373 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.