tures qui puelent avenir en armes , en grant hainne . Mais li dus de Lancastre , qui pour lors avoit le gouvrenement et l’amministration dou roiaulme d’Engleterre , l’en aida a escuser . Et retourna li sires de Goumegnies en la contet de Hainnau , se nation . Et se tint seür son hiretage et dalés le duch Aubert , conte de Hainnau , et son fil le conte d’Ostrevan . Ensi se porterent les besoignes pour celle saison en le frontiere de Calais . Et li jovenes contes de Saint Pol prisonniers en Engleterre , ensi comme devant est dit .
SHF 1C-788 syncQuant li dus de Bourgongne se depparti de la bastide
d’Arde il y ordonna a demorer a capitainnes le visconte de Miauls , dit
messire Robert de Bietune , et le signeur de Saint Pi , li quel entendirent trop grandement au remparer et mettre a point . Aussi li roys de
Franche , qui moult resjoy fu de ches nouvelles que Arde estoit rendue , Bavelinghehen , Oudruich , la Planke et la Haye , envoya chiertains hommes a chou deputés
pour penser des dittes fortereches desseure nommees rafresquir et ravitallier de
toutes pourveanches . Et par especial de la bastide d’Arde que
elle feuist telement pourveue de vivres et d’artelleriie que par le deffaulte de
diligence elle ne feuist derechief reprise et perdue . Car bien pensoiient li rois de et li Franchois que li Englés avoiient grant desplaisanche en che que elle leur estoit perdue . A l’ordennanche et commandement dou roi tout li subject entendirent ,
li viscontes de Miaus et li sires de Saintpi entendirent trop
grandement bien a fortefiier le garnison d’Arde et miex que oncques en devant n’euist estet . Et firent li signeur ens es forés de la
autour coper grant fuison de gros kaisnes et faire amener et accariier a Arde et a avoir ouvriers et carpentiers et ches quaisnes aguisier et au dehors des
murs et des fossés boutter en terre plus de VII piés de parfont et
croisier par telle maniere que nuls ne pooit entrer ens .
¶ Nous no soufferons a parler des besoignes de Pikardiie et parlerons de celles de Gascongne et dou siege de Bregerach .
SHF 2C-4 syncLi dus d’Ango , qui a siege se tenoit devant la ville de Bregerach en Gascongne , rendoit grant painne et diligence a chou
qu’il le peuist conquerre . Car avis li estoit ensi comme se il avoit la domination et signouriie de Bregerach , il seroit sires des rivieres de
la Dourdonne et de la Geronne et par che point il donroit moult a faire cheuls de Bourdiaus et de Bourdelois . Et disoit a le fois au connestable de Franche , qui estoit en sa compagniie : "Petit a petit nous
reconquerrons les marches et frontieres de decha ." Et messires
Bertrans de Claiequin , qui fu moult vaillans chevaliers en son tamps , pour li
complaire li accordoit tout chou que li dus disoit . SHF 2C-7 sync Li sieges la estant , li dus d’Ango fist livrer tamaint assaut
par terre et par la riviere a le ville de Bregerach et li
chevalier et esquier qui dedent estoiient , des quels messires Perducas de Labreth estoit capitainnes et souverains , defendoiient et gardoiient la ville
vaillaument , tant que point de damage n’y avoiient . Devant la ville de Bregerach avoit grant fuison d’enghiens et de bricoles levees et drechiies , li quel
et les quelles bricoles jettoiient continuellement en le ville et contre les
murs de le ville et les empiroiient en aucuns lieus . Mais a tout
che pourveoiient grandement li Gascon qui dedens Bregerach estoiient . Et avoiient cloiies de bos renforchiies , les
quelles il pendoiient as murs a l’encontre dou trait des bricoles . Et chou
brisoit grandement le forche dou trait . Or fu aviset et regardet en Brest dou dit duch d’Ango que on envoiieroit querir a le
Riole I grant engien , le quel on nomme une truie . Et
jette uns tels enghiens malement grosses pieres de fais pour enfondrer combles de
tours et de portes et de maisons et pour esbahir hommes et femmes et par che parti
on constrainderoit moult cheuls de la ville . Si furent ordonnet pour
le aler querre messire Piere de Buel , messires Jehans de Vers , messires Bauduins de Crevons , li sires de Moult Calais , li sires de Quames , li sires dou Pont , Tiebaus dou Pont et Alios de Calay , et pluiseurs aultres . Et estoiient bien VC lanches de bonnes gens d’armes pour aconvoiier cel enghien et pour
amener au siege devant Bregerach . SHF 2C-6 sync Messires Thumas de Felleton , li quels avoit toudis ses
espiies alans et venans seür le paÿs pour savoir comment li Franchois se maintenoiient , fu segnefiiés et enfourmés par I de ses espiies et par celi
ou il ajoustoit le plus de foy et de credence , que li Franchois
chevauchoiient et estoiient depparti dou duc d’Ango et dou siege de Bregerach une quantitet de gens d’armes pour aconvoiier I malement
grant enghien , qui devoit estre a la Riole , et pour amener au siege
de Bregerach pour constraindre le plus cheuls de la ville et li fu dit ensi : "Sire , avisés vous seür che . Il ne puelent faire a
leur retour grant journee . Car chil qui sont ordonnet del enghien amener ,
ne s’esploiterent nient plus que li chairs chemminent ." Ches nouvelles plaisirent trop grandement bien a messire Thumas de
Felleton . Et manda tantos a leurs hostels parmi Bourdiaus biaucop de barons de b Gascongne qui la se tenoiient , teils comme li signeur de Rosem , pb 55 v