terre sur la terre des ennemis, que sur la terre de ses amis, et que les ennemis, quant ils sauront que nous serons arrivés sur euls, ils en auront plus grant paour.Adont fut arresté de prendre terre a la Couloigne en Gallice. Celle part tournerent les maronniers leurs vaisseauls, lesquels avoient vent et temps a souhait, et ne furent, depuis que ils se departirent de Brest, que cinq jours sur la mer que ils vindrent devant le havre de la Couloigne, et la, en attendant l’eaue, ils ancrerent, car ils avoient basse eaue: si ne pouoit l’on approchier terre de si pres que bien voulsissent. SHF 3-99 sync Or vous diray des chevalliers de France, messire le Barrois des Barres et messire Bracquet et messire Jehan de Bracquemont, de messire Jehan de Chastel Morant, de messire Pierre de Villaines, de messire Tristan de la Gaille et des autres qui estoient venus avecques euls en pellerinage en la ville de Compostelle au baron monseigneur saint Jacques en grant devotion. ¶ Quant ils eurent fait leur pellerinaige et chascun son offrande et ils furent trais a hostel, nouvelles vindrent par ceulx qui demouroient sur les frontieres et bandes de la mer, que les Anglois vouloient arriver et pb 121 r