Online Froissart
Synchronised by SHF : 1A-0    Unsync    Settings    Browse  |  Collate      
pb 1 r (table) Ci commencent les rubriches du premier volume des croniques que fist sire Jehan Froissart, lesquelles parlent des nouvelles guerres de France, d’Angleterre, d’Escoce, d’Espaigne et de Bretaigne. Premierement fait mencion de la cause pourquoy elles sont faittes et composees. I.
Aprés s’ensuivent les noms des plus preux et plus renomméz seigneurs de ceste histoire, tant de France comme d’Angleterre. II.
Comment le roy Edouart fut couronnéz a Londres et de l’oppinion des Anglois. II.
Pour quelle achoison la guerre meut entre le roy de France et le roy d’Angleterre. II.
Comment grant discencion meut entre les barons d’Angleterre et messire Hue le Despensier. III.
Comment plusieurs haulx barons d’Angleterre furent decolléz, et comment la royne et le conte de Kent s’en affouirent en France. III.
Comment la royne d’Angleterre compta au roy Charles son frere la cause de sa venue en France. IIII.
Comment le roy Charles de France conforta sa suer et lui promist aide, et comment elle acquist l’amistié de plusieurs seigneurs qui lui promistrent aide et confort. IIII.
Comment les seigneurs et les barons d’Angleterre manderent secretement a la royne que elle retournast avec son filz en Angleterre atout mil hommes d’armes. IIII.
Comment messire Hue le Despensier corrumpi le roy de France et tout son conseil afin qu’il ne renvoiast sa suer ne son filz en Angleterre. V.
Comment le roy de France fist dire a la royne, sa suer, que elle widast hors du royaulme de France. V.
Comment la royne d’Angleterre se parti de Paris secretement de paour que elle ne feust prise de son frere et envoiee en Angleterre et s’en ala en l’Empire. VI.
Comment messire Jehan de Haynau vint a Bignicourt contre et au devant de la royne d’Angleterre. VI.
Comment messire Jehan de Haynau promist a la royne d’Angleterre et a son filz qu’il ne lui fauldroit jusques a mourir. VI.
Comment la royne d’Angleterre se parti de Bignicourt, et comment elle fut honourablement receue du conte et de la contesse de Haynau. VI.
Comment messire Jehan de Haynau fist sa semonse de gens d’armes pour la royne d’Angleterre ramener en son royaulme. VII.
Comment messire Jehan de Haynau prist congié a son frere le conte de Haynau pour ramener la royne et son filz en Angleterre. VII.
Comment messire Jehan de Haynau s’en parti du conte, son frere et s’en vint en la ville de Dourdrech. VII.
Comment la royne d’Angleterre et messire Jehan de Haynau et leur route arriverent en Angleterre. VII.
Comment les barons d’Angleterre alerent a l’encontre de la royne et orent conseil que ilz assegeroient le roy et les Despensiers. VIII.
pb 1 v (table)