pb 11 ret le conte d’Arondel, lesquelx elle heoit amerent. Et quant ceulx de la ville virent que pour ces II chevaliers il ne pooient
venir a paix ne salver leurs biens, il eurent conseil et accord ensamble, s’ouvrirent les
portez. Si y entra la roynne et messire Jehan de Haynnau et toute leur
belle route et se herbegerent aval la ville a leur plaisir. Et la fu prins le dit messire Hue, et le conte d’Arondel, et amenéz devant la roynne. Et ossy y furent amené li sien josne enfant, Jehan de Elthem et deux fillettes, de quoy la royne eut grant joie,
et encontre ce eurent grant deul et grant peur le roy et messire Hue le
Despensier le fil qui estoit ou chastel, qui veoient leur grant mescheance apparant, et tout
le paÿs tourner contre eulx avoient la royne. S’el estoient en grandes
penseez m ce n’est mie a doubter.
Quant la roynne et tout les barons furent herbegié tant dedens la ville comme dehors, ilz assegerent le chastel si pres qu’il peurent. Adont fist la roynne ramener devant ly et devant son fil le viel messire Hue et le conte d’Arondel et devant tous les barons dist qu’elle et son fil leur feroient droit et bon jugement selon leur meffais. Adont respondi le dit messire Hue et dist: "Madamme, Dieux nous veulle donner bon jugement, et se nous ne le pouons avoir en ce siecle, Dieux le nous doinst en l’autre." Adont se leva messire Thomas Waghe, marissaulx de l’ost, sages et courtois, si i leur fist lire par escript tous leur fais. Et tourna sa parolle sur ung viel chevalier qui la estoit, adfin qu’il raportast par feaulté et hommage ce que faire devoit par bon jugement de teles personnes et pour tels fais. Le chevalier se conseilla aux autres barons et raporta
par acort de tous et par jugement qu’ilz avoient bien mort desservie par pluiseurs horribles fais pb 11 v