pb 42 vMais le sire de Brenins et sa baniere s’en party sans ordonnance. Car bien sentoit monseigneur Jehan de Haynau si aïrié sur lui qu’il ne l’eust priz a nulle raençon. Et quant messire Jehan de Haynau sceut que cil qui tant avoit porté tant dommage a sa terre de Chimay, s’en fuioit devers Brevins, il le prist a poursuir et ses gens aprés lui, qui mieux mieux. Mais le seigneur de Brevins trouva la porte de sa ville ouverte, si se bouta dedens en grant haste. Et jusques la le poursuivoitmonseigneur Jehan de Haynau, l’espee en poing. Mais quant il vit qu’il lui estoit eschappé, il retourna vistement le grant chemin devers Aubenton. Si encontrerent ses gens les gens du seigneur de Brevins, qui le suioient a leur pouoir, si en occistrent et mistrent par terre grant foison. Le conte, qui estoit demouré en Aubenton et ses gens, se combatirent asprement a ceulx qui s’estoient arrestéz devant le moustier. La eut dur hustin et fier et maint homme reversé. La furent bons chevaliers le vidame de Chaalons et ses II filz. Mais illec fu pris icelui vidame durement navré et ses II filz mors, ne oncques chevalier ne escuier n’en eschappa fors ceulx qui se sauverent avec le seigneur de Brenins qu’ilz ne feussent tous mors et priz. et bien CC hommmes de la ville et fu toute pillee et les grans avoirs qui dedens estoient, chargiés sur chars et charrettes et envoiéz en Chimay et fu la ville de Aubenton toute arse et se logierent ce soir les Hainuyers sur la riviere.
SHF 1-97 syncAprés la destruction d’Aubenton, s’acheminerent les Haynuiers et leurs routes devers Mauberfontaines, sitost qu’ilz y parvindrent, ilz la conquistrent. Car il n’y avoit point de defense, et la roberent et ardirent. Et aprés la ville de Aubecueil et Seguy le Grant et Seguy le Petit, et tous les hamiaux de la entour, dont il en y eut plus de XL. Aprés se trait le conte de Haynau devers sa ville de Mons, et donna congié a toutes manieres de gens d’armes et les remercia et fist tant que tous se partirent bien contens de lui. Asséz tost aprés ala le conte en Engleterre esbatre et faire aliances au roy son serourge pour estre plus fort en sa guerre. Mais avant institua messire Jehan de Haynau a estre maistre et gouverneur de Haynau, de Hollande et Zeellande, SHF 1-98 sync si se tint messire Jehan a Mons et pourvey le paÿs et garny et envoia pour aidier a garder et conseillier les bourgois et communauté de Valenciennes le sire d’Anthoing, le sire de Wargny, le sire de Gommegnies et messire Henry de Husphalise. Et envoia le seneschal de Haynau a C lances en la ville de Maubuege. Et mist le mareschal de Haynau en la ville du Quesnoy. Et le seigneur de Potielles en la ville de Landrechies. Aprés mist en la ville de Bouchain III chevaliers alemans, qui tous trois se nommoient Conrars. Et envoia en Escanduevre monseigneur Gerart de Sassegnies. Aussi en la ville d’Avesnes le seigneur de Fauquemont. Et ainsi par toutes les forteresses de Haynau voirs sus les frontieres de France.
SHF 1-99 sync Cy parle de la chevaucee que ceulx de Tournay firent en Flandres. Le XLVIIe chapitre.Quant le roy de France eut oy recorder comment Gap: sampling pb 43 r