The Online Froissart

Edition mode Settings Browse | Collate

pb 6 rquirent et les avancierent en plusieurs manieres.

Comment messire Jehan de Haynault vint a Bignicourt contre et devant la royne d’Angleterre.

La venue de la royne d’Angleterre qui descendoit en Haynault fut bien sceue en l’ostel du bon conte Guillaume de Haynault qui lors se tenoit en Vallenciennes et messire Jehan de Haynault aussy et sçot le dit messire Jehan l’eure qu’elle vint a l’ostel de monseigneur d’Aubrecicourt. Il qui moult estoit honnourable, jeune et desirant d’acquerir honneur et pris monta erramment a cheval et se party a privee mesgniee de Vallenciennes et vint ce soir a Aubrecicourt et fist a la royne d’Angleterre toute honneur et reverence qu’il pot car bien le savoit faire. La dame, qui estoit moult triste et esgaree, lui commença a compter en plourant moult piteusement ses douleurs et ses mesaises et mesavenues comme elle et son filz estoient dechaciéz d’Angleterre et venuz en France sur le pouoir et fiance de son frere le roy, et comment elle cuidoit estre pourveue de gens d’armes de France par la bonne voulenté et conseil de son frere pour aler puissamment et emmener son filz en son royaulme si comme ses amis d’Angleterre lui avoient mandé et comme son frere fut tellement conseilléz depuis comme vous avéz ouy et lui compta comment ne a quel meschief elle estoit la affouye atout son filz comme celle qui ne savoit a qui ne a quel paÿs trouver confort ne soustenance.

SHF 1A-9 sync Comment messire Jehan de Haynaul prommist a la royne d’Angleterre et a son filz qu’il ne leur fauldroit jusques au mourir.

Et quant le chevalier messire Jehan de Haynault ot ouye la royne complaindre si tendrement que toute fondoit en larmes et en plours si en ot grant pitié et commença a larmoier et dist ainsi a la dame: "Certes dame, veéz cy vostre chevalier qui ne vous fauldra pour mourir se tout le monde vous failloit, ains feray tout mon pouoir de vous et de monseigneur vostre filz conduire et de vous et de luy remettre en vostre estat en Angleterre, a l’ayde de vos amis qui dela la mer ainsi que vous dittes et je et tous ceulx que je pourray prier y mettrons les vies et aurons gens d’armes asséz s’il plaist a Dieu sans le dangier du roy de France." Et quant la dame l’ot ainsi ouy parler une si haulte parolle et sy reconfortant ses besoingnes elle qui se seoit et messire Jehan devant elle se dreça en estant et se voult agenouiller de la grant joie et de la grace qu’il luy offroit mais le gentil sire de Beaumont ne l’eust jamais souffert ains se leva moult appertement et prinst la noble dame entre ses bras et dist: "Ne plaise ja a Dieu que la royne d’Angleterre face ce ne ait enpensé de faire, mais dame confortéz a vostre gentil filz aussy, car je vous tendray vostre promesce. Vous vendrés veoir monseigneur mon frere et madame la contesse de Haynault et leurs beaulx enffans qui vous recevront a grant joie, car je leur en ay ja ouy parler." La dame si lui ottroia et dist: "Sire, je treuve plus de confort et d’amour en vous que en tout le monde et de ce que vous me dittes et offréz, cinq cens mille mercis, se vous me vouléz faire ce que vous me promettéz par vostre courtoysie je demourray vostre serve et mon filz vostre serf a tousjours et mettrons tout le royaulme d’Angleterre a vostre bandon et a bon droit." Lors respondi le chevalier gentil messire Jehan de Haynault qui estoit en la fleur de sa jeunesse pb 6 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.