pb 57 vgniffia sa venue a ceulx qui estoient devant Thun l’Evesque contre les Françoys qui sy trestost qu’ilz le sceurent ilz se deslogierent et donna le dit conte congié a qui prieres ilz estoient la venuz a toutes gens d’armes excepté les corps des seigneurs mais ceulx mena il a Valenciennes et la les festia il honnourablement et sus tous le duc de Braibant et Jaquemart d’Artevelle prescha emmy le marchié presens tous les seigneurs et ceulx qui le porent ouyr et remonstra quel droit le roy d’Angleterre avoit en la challenge de France et aussi quelle puissance les trois paÿs avoient, c’est assavoir Flandres, Haynault et Braibant, quant tous estoient d’un accord et d’une aliance ensemble. Et tant fist adoncques par ses parolles et par son grant sens que toutes manieres de gens qui le entendoient et ouoient disoient qu’il avoit durement bien parlé et par grant experience. De quoy il fut de tous moult louéz et prisiéz et disoient qu’il estoit bien digne de gouverner et exercer la conté de Flandres. Aprés ces choses faittes les seigneurs se despartirent les uns des autres et prindrent un brief jour d’estre a Gand vers le roy d’Angleterre. Ce fut le VIIIe jour aprés qu’ilz vindrent devers le roy qui les receut a grant chiere et les conjouy et festia lieement et aussy fist la royne qui asséz nouvellement estoit relevee d’un filz appellé Jehan qui fut duc de Lancastre depar madame Blanche sa femme fille au duc Henry comme vous orrés en l’istoire.
¶ Adoncques fut prins et assigné un certain jour et un parlement a estre a Villenort ou tous les seigneurs et leurs consaulx avecques les consaulx des bonnes villes seroyent puis se partirent et s’en ala chascun en son lieu jusques au jour qui dessus estoit dit.
¶ Or vous compterons du roy de France et d’aucunes de ses chevauchees et ordonnances qu’il fist puisqu’il sçot que le roy angloys estoit arrivéz en Flandres.
SHF 1-117 sync Des garnisons que le roy de France mist sur les frontieres de Flandres et des aliances faictes entre Flandres, Haynault et Braibant.Quant le roy Phelippe de France sçot la verité de son armee sur mer qu’elle avoit esté desconfite et que son adversaire estoit arrivéz en Flandres il en fut moult durement courrouciéz. Sy se retray vers Arras et donna a une partie de ses gens congié jusques a tant qu’il ouist autres nouvelles. Toutesvoyes il envoya messire Godemart du Fay pour ordonner les besoingnes et pourveoir a la cité de Tournay, car il s’en doubtoit plus que d’autres pour cause des Flamens et envoya le sire de Wauvrins en Mortaigne pour faire frontiere contre les Haynuiers et puis envoya grant foison de gens d’armes a Saint Omer, a Ayre et a Saint Venant et pourveÿ souffisamment tout le paÿs sur les frontieres de Flandres. En ce temps regnoit en Sezille un roy qui estoit appellé Robert lequel avoit la fame et la renommee d’estre un tres grant astronnomien et deffendoit ce qu’il pouoit au roy de France que point ne se combatist au roy angloys, car il devoit estre trop fortunéz en toutes ses besoingnes. Et eust voulentiers veü le dit roy Robert que on les eust mis d’accord et mis fin en leurs guerres, car tant amoit la couronne de France que enviz eust veü la desolacion. Sy estoit le dit roy venuz en Advignon devers le pape et le saint colliepb 58 r