The Online Froissart

Edition mode Settings Browse | Collate

pb 3 vcontre lui et qu’ilz le mettroient hors de son royaulme s’il ne s’en gardoit. Et tantost fist par son ennortement et son soubtil engin et malice que le roy fist un jour prendre tous ces seigneurs a un parlement ou ilz estoient assembléz et en fist decoler sans delay et sans congnoissance de cause jusques a XXII des plus grans barons d’Angleterre et tout le premier, le conte Thomas de Lancastre qui estoit preudomme et saint homme par lequel est asséz depuis fais de beaulx miracles ou lieu ou il fut decoléz. Pour le quel fait le dit messire Hue acquist grant hayne de tout le paÿs et especiaulment de la royne d’Angleterre et du conte de Kent, qui estoit frere au roy d’Angleterre.

¶ Encores ne cessa point a tant le dit messire Hue d’ennorter le roy de mal faire, car quant il apparceut le courroux de la royne et du conte de Kent, qui estoit frere au dit roy d’Angleterre, il mist si grant descort entre le roy et la royne par son malice que le roy ne pouoit point veoir la royne ne venir en lieu ou elle feust, et dura ce descort asséz longuement, et adonc fut que on dist a la royne et au conte de Kent tout secretement pour les perilz esloingner ou ilz estoient que il leur pourroie mesavenir bien prouchainement se ilz ne se gardoient, car le dit messire Hue leur pourchaçoit grant destourbier. Adont quant la royne et le dit conte de Kent ouirent ces nouvelles si se doubterent, car ilz sentoient le roy hastif et de diverse maniere et leur ennemy si bien de lui comme il vouloit. Sy s’avisa la dame qu’elle se partiroit tout quoiement et vuideroit le royaulme d’Angleterre et s’en vendroit en France veoir le roy Charles son frere qui encores vivoit et lui compteroit ses mesaises et emmenroit son jeune filz Edouart avecques elle veoir le roy son oncle. Ainsi la dame se pourveï saigement et prinst voie de venir en pelerinaige a Saint Thomas de Cantorbie et s’en vint a Winchelstre, et de nuit elle entra en une nef appareillee pour son filz et pour elle. Et le conte Aymond de Kent et messire Rogier de Mortemer en une autre nef. Ilz mirent leur pourveances et orent vent a soubhait et furent l’andemain a prime ou havre de Bouloingne. SHF 1A-6 sync Quant la royne Ysabel fut arrivee a Bouloingne ainsi comme vous oyéz et son filz et le conte de Kent son serourge, le cappitaine de la ville et les bourgois et l’abbé aussi vindrent contre elle et la recueillirent moult doulcement et lieement et l’emmenerent en la ville et la logierent en l’abbaye et toute sa route et y fut deux jours et au tiers elle s’en party et se mist en la voye et tant chemina par ses journees qu’elle s’en vint a Paris. Le roy Charles son frere qui estoit infourméz de sa venue envoya contre elle des plus grans de son royaulme qui estoient deléz luy, monseigneur Robert d’Artois, monseigneur de Coucy, monseigneur de Siully et le seigneur de Roye et plusieurs autres qui honnourablement la menerent en la cité de Paris et devers le roy de France.

Comment la royne d’Angleterre compta au roy Charles de France son frere la cause de sa venue ou royaulme de France.

Quant le roy Charles de France vit sa suer que de grant temps n’avoit veue et elle doubt entrer en sa chambre il vint contre elle et la prinst par la main et la baisa et lui dist: "Bien vieingnéz ma suer et mon beau nepveu." pb 4 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.