pb 9 vGap: sampling
SHF 1-18 sync Comment messire Hue le Despensier fut justicié. Le XIIIe chapitre.Quant la feste fut passee, le dit messire Hue, qui point n’estoit aimé la endroit, fut amené pardevant la royne et tous les barons et chevaliers et seigneurs qui la estoient assemblés. Illec lui furent recordés tous ses fais par escript, et oncques ne dist rien a l’encontre, si fut jugié par plaine sentence des bararons
et chevaliers a estre justicié par tele maniere comme vous orrés.
Premierement il fut trainé sur ung bahu a son de trompetes et de
clerons par toute la ville de Harfort, de rue en rue.
Et puis fut amené en une grant place en la ville, la ou
tout le peuple estoit assemblé. La endroit fut il
lié hault sur une eschielle telement que chascun, petis et grans,
le pouoient bien veoir. Et avoit on fait en la dite place ung grant feu. Quant il fut ainsi lié, on lui coupa tout premierement le vit et les couillons, pour tant qu’il estoit heretique
et sodomites, ainsi qu’on disoit mesmement du roy. Et
pour ce avoit le roy dechacee la royne de lui et par son enortement. Quant le vit et les
couilles furent de lui coupés, on les getta ou feu pour ardoir.
Et aprés lui fut le cuer coupé hors du ventre, et getté ou feu pour tant qu’il estoit faulx et traitre du cuer, et que par son traitre conseil et enortement le roy avoit honny son royaume et mis a meschief et avoit fait
decoler les plus grans barons d’Angleterre, par
lesquelz le royaume devoit estre gouverné et soustenu et deffendu.
Et avec ce il avoit si enorté le roy qu’il ne
pouoit ne ne vouloit veoir la royne, sa femme, ne son ainsné
filz, qui devoit estre leur seigneur. Ains les avoit dechacés et pour doubtance de leurs corps s’en estoient ilz fuis hors du royaume d’Angleterre. Aprés quant le dit messire
Hue fut ainsi atourné comme dit est, on lui coupa la teste et fut envoyee en la cité de Londres. Puis fut il decoupé et escartelé et mis en quatre quartiers, et furent tantost envoiés aux quatre
meilleures cités d’Angleterre aprés Londres.
Aprés ceste justice faite, si comme vous avés oÿ, la royne Gap: sampling pb 144 v