pb 116 vle seigneur de Duras et messire Aymart de Poittiers, et pris le conte de Valentinoys son frere. Briefment a parler, on ne ne vit oncques tant de bonnes gens, chevaliers et escuiers qui la estoient, estre perduz a si pou de fait. Car chascun fuioit le mieulx qu’il pouoit.
¶ Bien est verité que le conte de Comminges et le viconte de Carmaing et ceulx de Villemur et de Brunikel, le sire de
la Barde et le sire de Tarde, qui estoient logiéz d’autre part le chastel, se reeveillirent et mistrent leurs bannieres et leurs pennons, et ferirent hors
et se mistrent vassaulment sur les champs, mais les Anglois, qui
avoient ja desconfit la plus grant partie de l’ost, s’en vindrent en escriant leurs cris celle part et se bouterent ens es plus drus de plain eslais, ainsi que gens tous desreconfortéz, et qui veoient bien
se fortune ne leur estoit contraire. La journee estoit pour eulx. La ot faites maintes belles appertises d’armes, mainte prise et mainte rescousse.
¶ Quant messire Franke de Halle et messire Jehan de Lindehalle, qui estoient dedens Auberoche, entendirent la noise et la huee et recongnurent les bannieres et les pennons de leurs gens, si s’armerent et firent armer tous ceulx qui avecques eulx estoient, et puis monterent a cheval et yssirent de la forteresce, et s’en vindrent sur les champs et se bouterent ou plus fort de la bataille et ce refreschirent grandement les Anglois.
SHF 1-221 sync¶ Que vous feroie je long compte, ceulx de la partie du conte de Laille furent la tous desconfis, et presques tous mors et pris; ne ja ne s’en feust nul eschappé se la nuit ne feust sitost venue: la ot prins que contes que vicontes neuf, des barons et chevaliers et escuiers tel foison qu’il n’y avoit homme d’armes des Angloys qu’il n’en eust ou deux ou trois du moins. Ceste bataille fut au dessoubz de Auberoce la nuit de la Saint Laurens en aoust, l’an mil CCC XLIIII.31
SHF 1-222 sync Comment le conte d’Erby ala a Bourdeaulx aprés la victoire de plusieurs chasteaulx et bonnes villes qui se rendirent a lui pour et ou nom du roy d’Angleterre.Aprés la desconfiture qui fut si grande et si grosse pour les Gascoings et si dommaigaible, car ilz estoient la venuz en grant arroy et en bonne ordonnance. Les Anglois, qui estoient maistres et seigneurs du champs, entendirent a leurs prisonniers, et comme gens qui tousjours leur ont esté courtois, leur firent bonne compaignie, et en recreurent asséz sur leurs foys a revenir dedans un certain jour a Bourdeaulx ou a Bergerach. Ilz se retrairent dedens Auberoce, et la donna a soupper le conte d’Erby a la plus grant partie de contes et des vicontes qui prisonniers estoient, et aussi aux chevaliers de leur compaignie. Si devéz croire et savoir qu’ilz furent celle nuit en grant revel, et rendirent graces Gap: illegiblea Dieu de la belle journee qu’ilz avoient eue, tant peu de gens qu’ilz estoient, qui n’estoient pb 117 r