pb 6 r (vol. 1)ou paÿs, li rois, par hastieu conseil et male information, leur feroit souffrir dou corps haschiere, si com cil avoient entendu. Dont, quant il avint que la royne et li contes de Kent oirent ces nouvelles, si se doubterent, car il sentoient le roy hastieu et de diverse maniere et che messire Hue si bien de lui qu’il faisoit tout ce qu’il voloit, sans avis et sans regart de nulle raison, si s’aviserent la ditte dame et li contes de Kent qu’il se partiroient d’Engleterre et s’en iroient en France veoir le roi Charlon que la royne, qui sa sereur germainne estoit, n’avoit
veü depuis
que elle fu envoiie en Engleterre, et en menroit avoecques lui son jone fil Edouwart, et lairoit convenir ce roy et le Despensier au sourplus. Espoir, hastement s’amenderoit leurs estas, et y
pourveroit Diex de remede et de conseil. Ce pourpos tinrent la dame et li contes de Kent et ordonnerent leurs besongnes secretement et
envoiierent devant le plus grant partie de leur arroi par le riviere de Tamise en nefs en Flandres. Et prist la ditte dame
excusance de venir en pelerinage a Nostre Dame de
Boulongne. Et se parti, si com vous poés oir, d’Engleterre a petite mesnie, son jone fil avoech lui, le conte de Kent son serourge et monsigneur Rogier de Mortemer. Et monterent a Douvres et arriverent a Boulongne.
SHF 1B-6 sync
Quant la royne d’Engleterre fu arrivee a Boulongne et toute se route, elle regratia
Nostre Signeur et s’en vint tout a piet
jusques a l’eglise Nostre Dame en devotion, et fist sen offrande et sen
orison devant l’image. Li abbés de laiens et tout li monne le recuellierent
liement, et fu laiens herbergie et toute se mesnie, et s’i reposerent et rafrescirent par V jours Au VIe il monterent tout as
chevaus et sus hagenees qu’il avoient amené d’Engleterre, et se
partirent de Boulongne o tout leur arroi. Si fu la dame
aconvoiie et acompagnie d’aucuns chevaliers de la environ, qui l’estoient
venu veoir et festiier, pour la cause de ce que elle estoit soer au roy leur
signeur. Tant esploita la dame par ses journees que elle approça Amiens. Chil de la cité vinrent contre lui moult
reveramment. Et par tout ou elle passoit, as cités et as bonnes villes, on pb 6 v (vol. 1)