pb 41 vEt pour ce que ou temps avenir de ce ne soit jamais descort ne question a faire
le dit hommage, nous promettons en bonne foy pour nous et noz successeurs
ducs d’Acquittaine qui seront pour le temps, le dit hommage se fera en telle maniere: Le roy d’Angleterre, duc de Guienne, tenra ses mains entre les mains du roy de France, et cellui
qui adrecera les parolles au roy d’Angleterre, duc de
Guienne, et qui parlera pour le roy de France, dira ainsi: "Vous devenéz homme lige au roy nostre seigneur de France, mon seigneur qui cy est, comme duc de Guienne et per de France,
et lui promettéz foy et loyauté porter, dites "voire"." Et le dit roy
d’Angleterre, duc de Guienne, et ses successeurs diront: "Voire". Et lors le roy de France recevra le dit roy d’Angleterre et duc de Guienne, au dit hommage lige a la foy et a la bouche sauf son droit et l’autrui. Derechief quant le roy d’Angleterre et duc
de Guienne entrera en hommage du roy de France et de ses successeurs
roys de France pour la conté de Pontieu et de Monstreul, il mettra
ses mains entre les mains du roy de France. Et cellui qui parlera pour le roy de France, adrecera ses parolles au dit roy et duc, et dira ainsi: "Vous devenéz homme lige au roy de France, mon
seigneur qui cy est, comme duc de Guienne conte de Pontieu et de Monstreul. Et lui promettéz foy et
loyauté porter, dites "voire"." Et le dit roy, duc et conte de Pontieu dira: "Voire". Et lors le dit roy de France recevra recevra le dit roy et conte au dit hommage a la foy et a la bouche, fors sauf son droit et l’autrui. Et ainsi sera fait et renouvellé toutes fois que l’ommage se fera. De ce baillerons nous et noz successeurs ducs de
Guienne, faiz les dis hommages, lettres patentes seellees de noz grans seaulx
se le roy de France le requiert. Et avecques ce nous promettons en bonne
foy tenir et garder affectueusement les paix et accors fais entre les roys de
France et les diz roys d’Angleterre, ducs de Guienne et leurs predecesseurs roys de Angleterre et ducs de Guienne. En ceste maniere sera fait et seront renouvellees les dites lettres
par les diz roys et ducs de Guienne et leurs successeurs, et contes de Pontieu et de Monstreul, toutes les fois que le roy d’Angleterre, duc de Guienne, conte de Pontieu et de Monstreul qui seront pour le temps, entreront en l’ommage du roy de France et de ses
successeurs roys de France. En tesmoing des quelles choses a ces nostres
lettres ouvertes avons fait mettre nostre grant seel. Donnees a Eltem, le XXXe jour du mois de mars, l’an de Grace mil trois cens et trente.23
¶ Ces lettres rapporterent en France les dessus nomméz seigneurs quant ilz se partirent d’Angleterre et ilz eurent congié du roy, et les baillerent au roy de France, qui tantost les fist porter en sa chancellerie et mettre en garde avecques ses plus especiales choses a la cautelle du temps avenir. Nous nous souffrerons a parler du roy d’Angleterre ung petit, et parlerons d’aucunes aventures qui avindrent en France.
SHF 1-48 sync Comment le roy de France prist en hayne messire Robert d’Artois, dont il l’en convint fuir hors du royaume. Et comment il fist mettre sa femme et ses enfans en prison, qui onques puis n’en issirent. LV.L’omme du monde qui plus aida le roy Phelippe Gap: sampling pb 42 v