pb 18 rou avecques ses gens, ou il n’a mie esté en propre personne, si comme vous pourréz oyr cy aprés, doivent bien estre tenuz et reputéz pour preux, combien qu’il en y a grant foison de ceulx qui doivent et pevent bien estre tenus pour souverains preux entre les autres et devant tous aultres, si comme le propre corps du gentil roy dessus dit, le prince de Galles, son filz, le duc de Lencastre, messire Regnault de Cobain, messire Gautier de Manni en Haynaut, messire Jehan Chandos, messire Franque de Halle et pluseurs autres qui se ramentevront pour le bien et la proesse d’eulx dedens ce livre, car par toutes les batailles ou ilz ont esté, ilz ont eue renommee des mieulx faisans, par terre et par mer, et s’i sont monstréz si vaillamment que on les doit bien tenir pour souverains preux. Mais pour ce ne doivent mie les autres qui avecques eulx ont esté, pis valoir.
¶ Aussi en France a esté trouvee bonne chevallerie, roide, forte et apperte et grant foison car le royaume de France ne fut oncques si desconfiz que on n’y trouvast bien tousjours a qui combatre, et fut le noble roy Phelippe de Valois ung treshardiz et bachelereux chevallier et le roy Jehan, son filz, Charles, roy de Behaigne, le conte d’Alençon, le conte de Foix, messire Saintré, messire Arnoul d’Audrehen, messire Boucicaut, messire Guichart d’Engle, monsigneur de Beaujeu, le pere et le filz, et pluseurs autres que je ne puis mie maintenant tous nommer et qui bien seront en temps et en lieu ramenteus. Car pour verité dire et soustenir on doit bien tenir pour asséz preux tous ceulx qui en si crueuses batailles et si perilleuses ont esté veüs et demouréz jusques a la desconfiture souffisamment faisant leur devoir.
SHF 1A-1 sync Cy commence a parler du roy Edouart d’Angleterre. Et de l’opinion des Anglois. II.Premierement pour mieulx entrer en la matere Gap: sampling
pb 18 v