pb 24 vGap: sampling
SHF 1-46 sync Comment le roy Philippe de France envoia aulcuns de son plus especial conseil en Angleterre pour sçavoir certaines nouvelles comment l’ommaige se devoit fere. Et comment le roy d’Angleterre envoia le dit hommaige par escript au roy de France.Ne demoura mie granment de temps aprés Gap: sampling Gap: sampling
SHF 1-47 sync La teneur de la lettre qui fut envoiee au roy de France.Edouart, par la grace de Dieu roy d’Angleterre, seigneur d’Irlande et duc d’Acquitaine, a tous ceulx qui ces presentes lettres verront ou orront savoir faisons que comme nous feissions a Amiens hommaige a excellent prince, nostre seigneur et cousin Philippe de Valois, roy de France, nostre cousin, lors il nous fut dit et requis depar lui que nous recongneussions le dit hommaige estre lige et que nous en faisand le dit hommaige nous lui recongneussions et promeissions foy et loyaulté porter, laquele chose nous ne lui feismes point lors pour ce que nous ne estions mie adonc imfourméz que ainsi se deust faire. Et feismes lors au dit roy de France hommaige par paroules generales en disand que nous entrions en son hommage par ainsi comme noz predecesseurs ducs de Acquitaine estoient jadis entréz en hommaige des rois de France qui avoient esté pour le temps. Et comme depuis ença nous soions bien imfourméz et acertainéz de la verité, recongnoissons par ces presentes lettres que le dict hommaige que nous feismes a Amiens au roy de France, par paroules generales fut, est et doit estre entendu lige. Et que nous lui devons foy et loyaulté porter comme duc d’Acquitaine et per de France et comme conte de Pontieu et de Monstereul. Et lui promettons d’oresennavant foy et loyaulté porter. pb 25 r