pb 22 rGap: sampling
SHF 1-47 syncEdouart, par la grace de Dieu roy d’Angleterre, seigneur d’Irlande et d’Acquitaine, a tous ceulx qui ces presentes lettres verront et orront salut. Savoir faisons comme nous feissions a Amyens hommage a excellent prince, nostre cher seigneur et cousin Phelippe, roy de France, lors nous fut dit et requis depar lui que nous recogneussions le dit hommage luy promissions expressement foy et leauté porter, laquelle chose ne feismes pas lors pour ce que nous estions informéz que point ne se devoit ainsi faire. Et feismes lors au dit roy de France l’ommage par paroles generales en disant que nous entrions en son hommage ainsi comme noz predecesseurs ducs de Guienne, estoient jadis entréz en l’ommage des roys de France qui avoient esté pour le temps. Et depuis ença nous soions bien informéz et acertainéz de la verité, recognoissons par ces presentes lettres que le dit hommage que nous feismes a Amyens au roy de France, comment que nous lui feissions pb 22 v