pb 5roy et en osterent la roynne d’Engleterre, et son filz, qui estoit hoirs masles et nepveu au roy Charles, par la quelle succession ly royaulme leur appartenoit, et consentirent ce a Phelippe de Valois, qui n’estoit que cousin germains. C’est le point et le certains articles pourquoy les guerres et les tribulacions ont esté en France, ensy que vous orés esclarchir chy aprés par maniere de.
SHF 1N-4 syncIl est bien vray que le roy d’Engleterre, peres de ce dit roy Eduvart, sur quy notre matere est fondee, gouverna moult diversement son royalme et fist pluiseurs diverses et manieres de justices par l’ennort d’un chevalier que plus creoit et amoit que tout le monde, qui avoit esté nouris avecques luy d’enfanche,
et qui estoit son cousin. Et poisans hons et riches en Engleterre. Sy l’apelloit on monseigneur Hue le Despensier. Che mesires Hues et mesires Hues, son pere, avoient tellement atrait le roy d’Engleterre a leur oppinion que il pouoient plus que tout le demorant d’Engleterre. En ce tamps regnoit ung roy en Escoche, qui s’apielloit le roy Robert de Brus. Che roy Robert avoit esté du vivant le pere de ce roy Edouart pb 6