The Online Froissart

Edition mode Settings Browse | Collate

pb 78 v SHF 1-207 sync

Quant le conte d’Erbi eut sejourné en la cité de Bordeaux environ XV jours, il entendy que ces barons et chevaliers de Gascoingne se tenoient en Bergerach sy dist qu’il se travoit de celle part. Lors ordonna ses besongnes au partir le matin et ordonna ses mareschaux de son ost, monseigneur Gautier de Mauny et messire Franke de Halle. Si chevaucierent les Englois celle part la matinee tant seulement III lieues a un chastel qui se tenoit pour eulx que on claime Monkuk seant a une petite lieue de Bergerac. La se tindrent les Englois tout le jour et la nuit aussi. A l’endemain au matin leurs coureurs alerent courir jusques aux bailles de Bergerac et rapporterent ces coureurs a leur retour a monseigneur Gautier de Mauny qu’ilz avoient veü et consideré une partie du convenant aux François mais il leur sembloit asséz simple. Ce propre jour disnerent les Englois asséz matin dont il avint que seant a table monseigneur Gautier de Mauny regarda sur le conte d’Erbi si dist : "Monseigneur, se nous estions droites gens d’armes et bien appers nous buveriens a ce souper des vins de ces seigneurs de France qui se tiennent en garnison a Bergerac." Si respondy le conte d’Erbi tant seulement : "Ja pour moy ne demoura." Les compaignons qui oirent le conte et messire Gautier ainsi parler bouterent les testes ensemble et distrent l’un a l’autre : "Alons nous armer, nous chevaucerons tantost devant Bergerach." Il n’y eut plus fait ne plus dit et tous furent arméz et les chevaux enselléz et tous montéz. Et quant le conte d’Erbi vit ses gens de si bonne voulenté si fu tout joieux et dist : "Or chevauçons ou nom de Dieu et de saint George devers noz ennemiz." Dont s’arrouterent toutes manieres de gens et chevaucierent banieres desploiees en la plus grant chaleur du jour et firent tant qu’ilz vindrent devant les bailles de Bergerach qui n’estoient mie legieres a prendre car une partie de la riviere de Garonne³⁰ les environne.

SHF 1-208 sync

Ces gens d’armes et ces seigneurs d’armes qui estoient dedens la ville de Bergerach entendirent que les Englois les venoient assaillir si en eurent grant joie et distrent entr’euls qu’ilz seroient recueilliz, si se mistrent hors de leur ville en asséz bonne ordonnance la avoit grant foison de bedaus et des gens du paÿs moult mal arméz. Les Englois qui venoient tous serréz et rengies approuchierent tant que ceulx de la ville les virent et que leurs archiers commencierent a traire forment. Quant les gens de pié sentirent ces saiettes et virent ces banieres et pennons qu’ilz n’avoient point acoustume a veoir si furent tous effraiéz si commencierent a reculer parmi les gens d’armes et archiers a traire sur eulx de grant randon et a mettre en grant meschief. Lors approchierent les seigneurs d’Engleterre les François, les glaives baissies et montéz sur bons coursiers fors et appers et se ferirent en ces bidaus de grans maniere. Si les abatoient d’un costé et d’autre et occioient a voulenté. Les gens d’armes de leur coste ne pouoient approuchier ne aler avant pour eulx car les gens de pié reculoient sans nul arroy et leur brisoient le chemin. La eut grant touilleis et dur hustin et maint homme a terre car les archiers d’Engleterre estoient a costé a deux léz du chemin et traioient si vivement que nul n’osoit yssir. Ainsi furent reboutéz dedens leurs forsbours ceulx de Bergerach mais ce fu a tel meschief pour eulx que le premier pont et les bailles furent gaingniés de force et entrerent les Englois dedens. Et la sur le pavement y eut maint chevalier et escuier mort et blecié et fiancie prison de ceulx qui se mettoient au devant pour defendre le passage et qui s’en vouloient acquittes loyaument a leur pouoir. Et la fu occiz le sire de Mirepois desoubz la baniere monseigneur Gautier de Mauny qui toute premiere entra es forbours. Quant le conte de Laille, le conte de Commines, le conte de Quarmain, le sire de Duras, le viconte de Villemur, le conte de Pierregort, le sire de Taride et les barons de Gascoingne qui la estoient virent le meschief et comment les Englois de force estoient entréz es forsbours et pb 79 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.