Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Edition mode    Settings    Browse  |  Collate      
Navigate | Close
Preferences
New York M804
Previous | Folio 78 r | Next
pb 78 r

Le roy Edouart ordonna son cousin le conte d’Erbi, cappitaine de tous ceulx qui yroient avec lui en Gascoingne et nomma les chevaliers qu’il vouloit qui fussent dessoubz lui et de sa charge. Premierement il y mist le conte de Pennebroit, le conte de Kenfort,29 le sire de Stanfort, monseigneur Gautier de Mauny, monseigneur Franque de Halle, monseigneur Jehan de Lille, monseigneur Jehan de Grea, monseigneur Thomas Kok, le seigneur de Ferrieres, les II freres de Lindehalle, le Lievre de Braibant, monseigneur Hue de Hastingues, monseigneur Estienne de Tomby, le seigneur de Manne, monseigneur Richart de Hebedon, monseigneur Normant de Finefroide, monseigneur Robert d’Eltem, monseigneur Jehan de Norvich, monseigneur Richart de Rocleve, monseigneur Robert de Quantonne et pluseurs autres et furent bien IIIIC chevaliers et escuiers, VIC hommes d’armes et IIM archiers. Et dist le roy au conte d’Erbi qu’il preist asséz or et argent et le donnast et departist largement aux chevaliers et escuiers par quoy il eust l’amour et la grace d’eulz, car on l’en delivreroit asséz. Encore ordonna il, celle feste durant, monseigneur Thomas Dangourne pour aler en Bretaigne devers la contesse de Monfort pour lui aidier et a garder son paÿs comment que les treves y fussent. Car il se doubtoit que le roy Phelippe n’y feist guerre sur les paroles qu’il lui avoit remandees par monseigneur Hervi de Leon. Pour tant y envoia il le dit monseigneur Thomas a C hommes d’armes et IIC archiers. Encore ordonna il monseigneur Guillaume de Montagu, conte de Salebrin, a aler en la conté Dulnestre, car les Escos estoient durement reveléz contre lui et avoient ars en Cornouaille bien avant et couru jusques a Bristo et avoient assegié la ville de Dulnestre. Pour ce y envoia le roy le conte de Salebrin a IIIC hommes d’armes et VIC archiers bien appareilliés. SHF 1-206 sync Et fist le roy delivrer par ses tresoriers aux chievetaines asséz or et argent pour tenir leur estat et paier les compaignons de leurs gaiges. Et ceulz se partirent ainsi que ordonné fu. Si dirons premierement du conte d’Erbi. Quant toutes ses besongnes furent pourveues et ordonnees et ses gens venuz et ses nefs appareilliés, il prist congié du roy et vint a Hantonne ou toute sa navie estoit. La monta en mer avec la charge dessus dicte et siglerent tant au vent et aux estoilles qu’ilz arriverent ou havene de Bayone, une bonne cité et forte seant sur la mer qui toudiz s’est tenue englesce. La pristrent ilz terre et deschargierent toutes leurs nefs de leurs pourveances le Ve jour de juing, l’an de Grace mil CCC LIIII. Et furent liement receuz des bourgois de Bayone, si y sejournerent et rafreschirent eulx et leurs chevaux VII jours et au VIIIe jour le conte d’Erbi et tous ses gens s’en partirent et chevaucierent vers Bordeaux. Si firent tant qu’ilz y parvindrent et alerent ceulx de Bordeaux a l’encontre du dit conte a grant pourcession tant amoient ilz sa venue. Et fu adont le dit conte herbergié en l’abbaie Saint Andri et tous ses gens se logierent en la cité. Car il y a bien ville pour recueillir autant ou plus de gens. Les nouvelles en vindrent au conte de Laille qui se tenoit a IIII lieues d’ilec lequel manda le conte de Commines, le conte de Pierregort, le viconte de Quarmain, le viconte de Villemur, le conte de Valentinois, le conte de Muredain, le seigneur de Duras, le seigneur de Taride, le seigneur de la Barde, le seigneur de Pincornet, le viconte de Chastillon, le seigneur de Chastelneuf, le seigneur de l’Escuc et l’abbé de Saint Silvier et tous les seigneurs qui se tenoient en l’obeissance de France. Quant tous furent venuz, il leur remoustra la venue du conte d’Erbi et de sa puissance par oir dire. Si en demanda avoir conseil, yceulx seigneurs respondirent franchement qu’ilz estoient asséz fors pour garder le passage de la riviere de Garone a Bergevich contre ces Englois. Ceste responce pleut grandement au conte de Laille, qui pour le temps estoit souverain en Gascoingne depar le roy Phelippe. Si se renforcierent les dessus dis seigneurs de Gascoingne et manderent gens de toutes pars hastivement et se bouterent es forsbours de Bergerach qui sont grans et fors asséz et encloz de la riviere de Garone.30 Et atrairent es dis forsbours la plus grant partie de leurs pourveances a sauveté.

pb 78 v