The Online Froissart

Edition mode Settings Browse | Collate

pb 35 vce fu bien raison. Mais il les repaisa le plus bel qu’il pot. Et leur dist que s’il venoit a tour, il leur feroit chier comparer, ainsi qu’il fist en celle annee meismes, si comme vous orréz recorder avant en l’istoire.

SHF 1-91 sync De pluseurs escarmouches qui furent faites sur les frontieres de France.

Or vous compterons du roy Phelippe de France, qui estoit retrais vers Paris et avoit donné congié a tout son grant ost. Et fist durement renforcier sa grosse navie qu’il tenoit sus mer, dont mesire Hue Kierré, Bahuchés et Barbenaire estoient capitaines et souverains et tenoient ces III maistres escumeurs grant foison de soudoiers, Genevois, Normans, Bretons et Picars. Et firent cel yver pluseurs dommages aux Englois et venoient souvent courir jusques a Douvres, a Zandvich, a Wincesee, a Rie et la environ sus les costéz d’Engleterre et les resongnoient durement les Englois. Car ceulx estoient si fors sur mer que plus de XLM soudoiers et ne pouoit nulz yssir ne partir d’Engleterre qu’il ne fust veü et sceu et puis pillié et robé et tout mettoient a bort. Si conquistrent ces dis soudoiers marins du roy de France en cel yver sur les Englois maint grant pillage et par especial ilz conquistrent la belle grosse navie qui s’appelloit Cristofle, toute chargee d’avoir et de lainnes que les Englois amenoient en Flandres. Laquelle navie avoit cousté moult d’avoir au roy englois au faire faire. Mais ses gens la pardirent de ces Normans et furent tous miz a bort. Et en furent depuis les François grant parlement comme ceulx qui furent grandement resjois de ce conquest. Encore soutilloit et ymaginoit le roy de France nuit et jour comment il se pourroit vengier de ses ennemiz et par especial de monseigneur Jehan de Haynau, qui lui avoit fais, si comme il estoit enformé, pluseurs despis et amené le roy englois en Cambresis et en Tierasse et ars tout le paÿs. Si escript et manda le dit roy a Beumont, seigneur de Vrevins, au vidame de Chaalons, a monseigneur Jehan de la Bove, a monseigneur Jehan et a monseigneur Girart de Lore qu’ilz meissent sus une chevauciee et armee de compaignons et encrassent en la terre monseigneur Jehan de Haynau et l’ardisent sans deport. Les dessus dis obeirent au mandement du roy ce fu raison et se cueillirent secretement tant qu’ilz furent bien VC armeures de fer et vindrent une matinee devant la ville de Chimay et acueillirent toute la proie dont ilz en trouverent grant foison. Car les gens du paÿs ne s’en donnoient garde et ne cuidoient jamais que les François deussent si avant passer ne chevaucier oultre les boys de Tierasse mais si firent et ardirent tous les fourbours de Chimay et grant foison de villages la environ et presque toute la terre de Chimay excepté les forteresces. Et puis se retrairent en Aubenton, en Tierasse et la departirent il leur pillage et leur butin. Ces nouvelles et ces complaintes en vindrent a monseigneur Jehan de Hainau, qui se tenoit adont a Mons en Haynau deléz le conte son nepveu. Si en fu durement courrouciés, ce fu bien raison, et aussi fu le conte son nepveu. Car son oncle tenoit ceste terre de lui. Nonpourquant ilz s’en soufrirent tant qu’a present en n’en moustrerent nul semblant de contrevengance au royaume de France. Avec ces despis il avint que ces soudoiers qui se tenoient en la cité de Cambray si vindrent a une petite forte maison dehors Cambray qui s’appelloit Relengues. Laquele estoit a monseigneur Jehan de Hainau et la gardoit un sien filz bastart et pouoient estre environ XXV compaignons avec lui. Si furent assailliz un jour toute jour et trop bien se defendirent. Au soir ceulx de Cambray se retrairent en leur cité qui menacierent a leur departement grandement ceulx de Relengues et distrent bien que jamais n’entendroient a autre chose si les aroient conquis et la maison abatue. Sur ces paroles les compaignons de Relengues s’aviserent et regarderent la nuit qu’ilz n’estoient mie asséz fors pour eulx tenir contre ceulx de Cambray puisqu’ilz voloient ainsi acueillir. Car avec tout ce qui bien les esbahissoit il estoit si fort gelle que on pouoit bien venir jusques aux murs sur les fosséz tous engelléz. Si orent conseil qu’il pb 36 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.